Hnahthial Post | August 11, 2025, Aizawl: Vawiin khan Chief Minister Pu Lalduhoma kaihhruaiin Mizoram State Project Monitoring Committee te chu CM Conference Hall-ah an thukhawm a. Hei hi an General Body Meeting vawi 6 na a ni.
Chief Minister chuan, MSPMC hnuaia team hrang hrangte in thawkrim tih ka hria a. In report General Body Meeting-a kan thlirho atang mai pawh hian in inpekzia a lang a ni. Vawiinah pawh project 18 in endikte kan enho leh dawn a. Annual Report te pawh kan siam dawn a. In hnathawh hi kan ram tan a tangkai em em a ni, a ti.
Meeting-ah hian kumin April thla atanga August thla thlenga hma an lakna report ngaihthlak a ni a. He mi chhung hian project 18 an tlawh hman a, chungte chu:
1. Construction of improvement of Ramrikawn to NH 54 via Sakawrtuichhun (NABARD)
2. Construction of Concrete Gravity Impounding at Tlawng River/Pialthleng (AMRUT 2.0)
3. Development of Flatted Factory Complex at IIDC, Pukpui, Lunglei (Promotion of MSME in NER Region)
4. Establishment of Solid Waste Management Centre at Hauruang (NLCPR)
5. Construction of Market & Trade Centre at Chanmari, Lunglei (NEC)
6. Kawlhawk - Buarpui Upgradation & Maintenance (PMGSY Phase 3)
7. Rawpuichhip - Buarpui Construction & Maintenance (PMGSY Phase 3)
8. Construction of 50 Bedded District Hospital at Saitual (NESIDS OTRI)
9. Construction of 50 Bedded District Hospital at Khawzawl (NESIDS OTRI)
10. Construction of Critical Care Block at District Hospital, Champhai (ERCP 2)
11. Construction of Zomi Cultural Centre & Preservation of Historical Site at Champhai (NEC)
12. Construction of Passion Fruit Processing Unit at IIDC, Zote, Champhai (NEC)
13. Construction of Auditorium at Bethel Veng, Champhai (NEC)
14. Construction of District Court Complex at Vengsang, Champhai (CSS)
15. Construction of ST Girls Hostel at Champhai (Article 275)
16. Tuivamit Playground (MoHUA)
17. Construction of Approach Road to 10 MW Power Grid at Thenzawl (NABARD)
leh
18. Agriculture Growth Centre te an ni.
Heng an hmunhma tlawh tea an thil hmuhchhuah report leh an rawtnate committee-ah hian chipchiar taka sawi a ni a. A bawhzui zel dan tur pawh tarlan a ni.
Department hrang hrang 28 hnuaia thawh tur hna (projects) thar 138, endik leh tur chi an la khawm leh tawh a. Project data lakkhawm tur dang pawh hi a la awm niin an sawi. Heng project thar thawh hmabak an lakkhawm 138 te hi chu hna an thawh tan phat atanga engkim an enpui theih tawh dawn avangin, MSPMC endik hna hi a tangkai lehzual dawn nia ngaih a ni.
An endik tawh ho Annual Report 2024-25 siam turin an inpuahchah mek bawk.
Project kalpui dan tur tha zawk nia an ngaih, rawtna an neih te pawh an sawi hova. An rawtnate hi a kaihhnawih department-ah thlen a ni ang.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News