Hnahthial Post | August 5, 2025, Hnahthial: Vawiin khan Hnahthial DC Meeting hall-ah Bawrhsap, Pi K. Vanlalruati kaihhruaiin kum 2024-25 chhungah Nasha Mukt Bharat Abhiyaan hnuaia hmalakna awm tawh te thlir ho niin hmalakna duan lawk tawh sa, la tih hlawhtlin loh te kalpui dan tur rel a ni.
Bawrhsap chuan NMBA hnuaia an pawisa dawn tawh, first installment-ah ruihhlo do nan hmalakna hrang hrang, awareness concert te, football tournament-te, ramri a duty-te puihna pek chhuah te mai bakah hmalakna hrang hrang kalpui a lo nih tawh thu tarlangin tun hnai maiah hmalak dan tur, District Action Plan hnuaia hmachhawp la awm zawng zawh fel theih nan pawisa sanction a rawn awm thu a sawi a. Sanction chu beisei aia a tlem avangin thutkhawmnaah hian activity pawisa cut ngai lai rel a tul a ni tiin thutkhawmna koh a nih chhan a sawifiah a ni.
Ruihhlo Do Beihpui thlakna, Nasha Mukt Bharat Abhiyan hnuaiah hian tihtur hrang hrang hmachhawp awmin chungte chu :-
1. Ruihhlo do kawnga hma la tha ber YMA branch pathum thlan chhuah a, pakhatna atanga pathumna lawmman sem.
2. District chhunga High school tin hnenah ruihhlo do campaign kalpui.
3. Zirlai naupangte tan Quiz leh Debate buatsaih.
4. Rehabilitation Centre hnena tanpui hlan.
5. Hoi Philoi hnuaia drugs ti thinte zawn chhuahna leh tanpuina atana sum hlan.
6. Kohhran Thalaite tana Ruihhlo do kaihhnawih, mobile phone hmanga Short film insiamsiakna buatsaih.
7. YMA branch tin atanga member pahnih tana Ruihhlo chungchang inzirtirna, Training/ Workshop buatsaih.
8. MHIP tan awareness buatsaih.
9. Badminton leh Basketball tournament buatsaih.
Thutkhawmnaah hian Education Office, SP Office, CDPO Office, Hoi Philoi leh Sub Hqrs YMA aiawh mai bakah member dangte an tel a ni.
Tags
News