Hnahthial Post | August 13, 2025, Hnahthial: Vawiin khan India hnam puanzar pawimawhna leh hlutna inzirtirna - Har Ghar Tiranga Campaign pualin Hnahthial-a school zirlaiten HDFA Turf ground atanga Nauhruaikawn thleng kawng an zawh a. Kawng zawh tawpna hmunah hian Addl DC, Pu Zothanmawia Khiangte chuan Har Ghar Tiranga hman a nih chhan sawifiahna hun a hmang a ni.
Addl. DC chuan India hnam puanzar rawngte chuan awmze pawimawh tak tak an neih thu sawiin rawng var chuan remna a entir thu te, orange rawng chuan inpekna a entir thu leh rawng hring chuan leilung hausakna, kan hmasawn theihna a entir thu te a sawi a. Flag lai taka Chakra chuan lirthei ke, a hma zawnga a kal thin ang bawkin ramin hma a sawn zel dawn tih a entir thu a sawi bawk. India hnam puanzar a lo pian chhuah dan te sawi chhunzawmin India ramah inunauna thar leh se a duh thu a sawi a. Kalkhawm zawng zawngte chu remna leh muanna vawng nung reng turin a chah nghal a ni.
Ruihhlo Do Beihpui Thlakna - Nasha Mukt Bharat Abhiyaan pualin zirlai naupangte chu Ruihhlo (Drugs) ti lo tura intiamna, SDC, Pu R. Vanlalruata chuan a chhamtir nghal an ni.
Tags
News