.jpeg)
Hnahthial Post | Aug 15, 2026, Hnahthial: Vawiin khan Independence puala Hnahthial District khuallian - EF&CC, Sericulture, Fisheries leh LRS&WC Minister, Pu Lalthansanga chuan ‘VIP At Home’ a hun a hman zawh hnuin a department chan office-te a tlawh a; Hnahthial DC, Pi K.Vanlalruati leh Addl. DC, Pu Zothamawia Khiangte te chuan an tawiawm a ni.
.jpeg)
Sericulture Office tlawh hmasa berin thawktute’n office kaltlanga department hmalaknate an tarlang a. Minister chuan Mizoramin Muga Silkworm hmanga hmalak theihna kan ngah thu sawiin Mizoramah ‘Farm to Fashion’ kalpui a nih theihna’n tul anga hmalak an tum thu a sawi a ni. Land Resources, Soil & Water Conservation Office tlawhin Rubber lamah zau zawka hmalak a nih theihna’n tan la turin thawktute a chah a, Office sak thatna turin a tul anga hmalak a nih tur thu a sawi bawk.
.jpeg)
Minister chuan Hnahthial Forest Range Office a tlawhna-ah an mamawh hrang hrangte ngaihthlak sakin an mamawhte chu ngaihtuah chhunzawm a nih tur thu a sawi a. Fisheries Department Office tlawh chhunzawmin sangha tharchhuah kawnga Mizoram kan intodelh theihna’n CM Fisheries Mission kalpui leh an tum thu a sawi a, hemi atan hian DPR pawh an siam mek thu a sawi bawk. Mizoram State Fish, Nghavang chu a rem mai loh nan khawi pun an tum thu sawiin nghatun an khawi pun engemaw zat pawh Chief Minister hova chhuah an tum thu a tarlang a ni.
.jpeg)
Minister chuan mipuite thikthu a chhiat tawh avangin thawktute pawh dik tak leh tha taka hnathawk thin turin a chah a. Scheme kaltlanga hmathatnate chu a dawngtu (beneficiaries) tur dik tak leh dawng tlak chauhvin an dawng tawh dawn a ni tiin ‘Data based’ leh ‘Output Driven’ in scheme-te chu kalpui a nih tawh tur thu a sawi bawk.
Minister chuan LRS&WC rama Treasury Office sakna tura pek an tum hmunhma chu tlawhin hemi zawh hian East Lungdar panin a chhuak nghal a ni.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News