National Disaster Management Authority official te DDMA puipate meeting neih pui

Hnahthial Post | August 12, 2025, Aizawl: Vawiin chawhma khan Conference Hall, Royale Lalawi Hotel-ah National Disaster Management Authority(NDMA) officials: Dr.SK.Jena,Joint Advisor, Pu Pranava Kumar,Asst. Financial Advisor leh Pu Rajan Kumar Borah, Sr.Consulatant, NDMA te chuan District Disaster Management Authority (DDMA),Aizawl leh Lunglei puipa te kawmna hun an hmang.

Vawiin inkawmhona hi Er.Lalhriatpuia, IAS, Chairman, DDM Aizawl district leh bawrhsap ni bawk chuan kaihruaiin, khuhhawnna thu tawi sawiin, DDMA, Aizawl district in Disaster Management a kal pui dan tlangpui( An overview of Disaster Management in Aizawl district) Power point presentation hmangin an entir bawk.

NDMA atanga lokal Dr.SK Jena chuan an lo kal chhan sawiin, District Disaster Management Authority (DDMA) te hi chhiatrupna a lo thlen changa lo hmachhawn hmasatu in nih avangin, In Disaster Management an kalpui dan te leh in tun dinhmun te, in Disaster Management Plan(DDMP) review leh update dan te, NDMA in DDMA te tichak lehzual tura in chaklohna lai te hriat te hriat kan duh a.Chubakah NDMA hnuaia Disaster kaihhnawih Schemes thar hrang hrang te, Standard Operating Procedures (SOPs) leh Guidelines siam thar te inhrilhhriat nan te leh Chhiatrupna lo thleng tawh inlo hmachhawn(Response) dan te, a pumpelh tura in inpuahchahna te, Disaster in harsatna a thlen te tihziaawm tura hma in lak dan te hriata, in tih dan tha lai te atangin India ram hmun dang te tan zirtur a awm em? hmasawn ngaihna lai innei em? ti te hre tura lo kal kan ni e, a ti.

Lunglei District DDMA aiawh in Pi Chuaupari Pachuau, District Organizer,DM&R pawhin Lunglei district-a Disaster Management an kalpui dan tlangpui PPP in a entir. NDMA aiawh in Pu Rajan Kumar Borah chuan NDMA nihphung leh mawhphurna te, NDMA hnuaia scheme te, DM Act,2005 te, Standard Operating Procedures(SOPs) leh Guidelines te PPP hmangin sawifiahna hun a hmang.

Pu Pranava Kumar pawhin sawihona hun kaihhruaiin, Line department aiawh kal khawm te hnen atangin, an tawnhriat leh harsatna te bakah thurawn an nei te a zawt bawk.NDMA Puipa te hian meeting zawhah District Emergency Operating Centre(DEOC) an tlawh nghal.