Hnahthial Post | August 15, 2025, Thingsai: Hnahthial District Thingsai khuaah Independence day Vawi 79-na chu F Hranghlira Memorial Ground, Thingsaiah ropui taka hman a ni.
Vawiin khan India zalenna ni vawi 79 na chu F.Hranghlira Memorial Ground Thingsai ah a lawmna hu neih niin tukin dar 10 khan Khuallian Pu K.Lalsiammawia VCP chuan hnam puanzar pawt pharhin I-Day Parade Contigent te chibai bukna a chhang let ani.Thingsaiah hian kum tin I-Day hi hman thin niin kumin pawh hian I-Day pual hian Infiamna hrang hrang hmangin intihsiakna neih leh a ni a,Inter Veng leh Club Football Tournament, Marathon (Open), Mixed Relay Race(Primary section) ,100mt Race(Middle Section), Mixed Relay Race (Inter Veng) te tan in elna neih a ni a.
Khuallian, VCP chuan Thingsai khaw tana Sorkar hmalakna kawng hrang hrang tarlangin, Solar model Village a thlan kan nih te, VVP hnuaia Border area khaw tlemte zinga thlan kan nih thu te leh Thingsai hmun chu Central sorkarin Indo Myanmar entry and exit point atana a thlan thu te a sawi a.
I-Day lawmnaah hian School hrang hrang atangin Parade contingent sawmhnih pakhat (21) awmin parade hmuhnawm tak an nei a,MSU Kulva Cultural Club Thingsai ten Hnam lam chu hrang hrang an nei bawk.
Tukin zing vek khan 14th Assam Rifles Outpost Thingsai ah I-Day lawmna hun hi hman niin Flag Hoisting hun hman ani a. He hun hi Assam Rifles Post incharge NB/ SUB Surender Kumar hova hman niin Higher Secondary school Naupang leh zirtirtu sawm bikte nen hun hi an hmang.
Tags
News