Hnahthial Post | September 1, 2025, Aizawl: Home Minister Pu K. Sapdanga’n vawiin khan a pisaah Mizorama ruihhlo do beihpui thlakna tur khuh hawnna a nei. He hunah hian Excose & Narcptics Minister Pu Lalnghinglova Hmar, Home Department Secretary, IGP (L&0), Aizawl DC leh SP bakah Excise & narcotics leh Polkicve hotu pawimawhte an tel a, Central YMA hruaitute pawh an tel a ni.
Home Minister chuan Mizoramah ruihhlo a hluarin ruihhlo in nasa takin min tibuai mek a. Ruihhlo hluar hian kan khawtlangah harsatna tamtak min thlen mek avangin ruihhlo hluar do let tur hian Mizoram Sorkar leh CYMA te chuan theihtawp an chhuah reng a. Chutih rual chuan awmze nei lehzual a ruihhlo dona kawnga hmalak a nih theih nan Mizoram Sorkar chuan ngaihtuahna nasa takin a seng a ni a ti a. Ruihhlo laka kan ram a him theihnan September,2025 atanga December, 2025 chhung hian Mizoram-ah Ruihhlo Dona Beihpui (Operation Against Trafficking and Use of Drugs and Narcotics in Mizoram) kalpui tum a nih angin vawiin September ni 1, 2025 hian a khuhhawnna (launching programme) hun hman a nih thu a sawi a ni.
August ni 7, 2025 khan Mizoram Sorkar a Home Department, Mizoram Excise & Narcotics Department, Mizoram Police, SIB te leh CYMA hruaituten awmze nei leh zuala ruihhlo do anih theihnan meeting neiin uluk taka sawihona leh inrawnna neih a ni a. He meeting-ah hian Mizorama ruihhlo lo lut te hi Burma lam atangin a hlawmin a rawn lut a, chung a rawn luhna hmun 22 (sawmhnih pahnih) te pawh tarlan a ni a. Hemi meeting hian ruihhlo do beihpui chhuah a tul takzet tih hria in a hnuai ami ang hian hma lak tura ruahman a ni:
1) Ruihhlo lo luhna hmun ni a hriat hmun 22 te tlawhchhuak a, a bul hnaia khua zawng zawngah awareness campaign neih nih se tih a ni a. IGP (Law & Order), Mizoram leh CYMA team te chuan dt.25.08.2025 atanga dt.29.08.2025 chhung khan Champhai District a khaw hrang hrangah ruihhlo dopui thlak tur chungchangah hian awareness campaign nei in hun a hmang a ni.
2) Dt.07.08.2025 a meeting a sawilan danin Mizoram kaltlanga a hlawma ruihhlo tawlhruk te hi Mizoram pawnah thleng thlain chung chu State dang atangin Mizoramah hmankhawp (consumable quantity) in Mizoram ah a lo let leh thin tih tarlan a ni a. State dang atanga ruihhlo lo lut leh tur dang tur hian State dang nena kan inrina ah uluk taka lo ven a ngai tih hriat a ni a. Hemi chungchangah dt.30.08.2025 khan Home Minister hovin Home Department a hotute, Mizoram Police leh Kolasib District Administration leh CYMA hotu te’n Kolasib District-a Bairabi leh Vairengte te leh hmun hrang hrang an tlawh a. Khawtlang hruaitute nen ruihhlo lo lut tur awmze nei zawk a dan a nih theih nan inkawmhona hun hman niin ruahmanna te uluk taka sawiho a ni.
3) Ruihhlo do beihpui thlak nan hian sum leh pai mamawh a ni dawn tih hriat ani a. Ruihhlo dona atana thawktu te mamawh leina tur leh an tha tichak turin Sorkar pawhin pawisa pawh a tul anga hman tur ruahhman bawk a ni.
4) Mizoram Poklice hnuaiah Special Squad mi 30 awmna din niin he special squad memberte hi uluk taka thlanchhuahte an ni a, anni hian training tha tak an neih hnuah vawiin atang hian an duty-na tur hmunah an duty tan ang a, khawtlang hruaitute leh YMA te nen thawkhovin, ngawrh takin hma an la dawn a ni.
Tags
News