Sept 2 | Hnam dang nupui pasal neilo tura inzirtirna ni

Mimkût Thla(September) Ni 2 : HNAM DANG NUPUI PASAL NEILO TÛRA INZIRTIRNA NI

Hnahthial Post | September 2, 2025, Aizawl: MZP thiltum, MZP Dânbu Article 3 (7)&(9) in a sawi— 'Inchimral theihna laka Mizo Hnam humhalh leh Mizoram leh Hnam tluchhe tur ven tlat' tia a sawi angin MZP chuan 'Hnam dang Nupui Pasal nei lo tûra inzirtirna ni' hi kum 2015 aṭang khan MZP chuan kumtin Mimkût thla(September) ni 2-ah a hmang ṭhin a.

Kum dangah chuan Sikul hrang hrangah kal kualin Hnam humhalh a ṭulzia sawiin zirlaite hun an hmangho ṭhin a, kuminah erawh MZP General Headquarters O.B 2025-2027 thlanna(Election) September ni 3-ah an buatsaih dâwn avângin hun an hmang thei dawn lo a ni.

Tin, Mizo Hnam Dân “The Mizo Customary Law” Published by Law & Judicial Department;Govt. of Mizoram bung 3:74-na chuan, *“...Mizo hmeichhiain hnam dang pasal a neih chuan hnam dang chhungkuaah a lûta ngaih a ni,”* a tibawk a.

MZP chuan," kan chheh vêla hnam dang te lakah chuan Hnam tlêm tê kan la nih avângin Zofa Hnam hi humhalh ṭul takzetin a hria a. Chîmralna laka Hnam humhalh tûrin Hnam dang nupui pasalah nei lo turin Zofa zawng zawng a ngên a ni.

"I Ram leh Hnam Humhalh Rawh, Khawvêlin a Dem Lovang Che!!"