Hnahthial Post | September 4, 2025, Aizawl: MZP General Assembly cum Election 2025 chu nimin ni 3 September, 2025 khan Vanapa Hall, Aizawl-ah neih niin hruaitu thar hlanna leh Assembly rorel neih a ni a, Assembly Rorel Inkhawm chuan heng a hnuaia thu hi lungrual taka pawm a ni.
1. Sairang thleng a rel a lo luh dawn avangin, Mizoram chhunga rel tlan na kawng zawng zawngah ILP
checkpoint siam a nih theih nan MZP in hma la rawh se.
2. NHIDCL hnathawh hi a that tawk loh thin avangin, MZP in a that zawk theih nan hma la rawh se.
3. Zofa hnam inkhawmpui lian “ZOFEST” hi 2026-ah neih leh ni rawh se.
4. Mizoram State University tha taka neih a nih theih nan Mizoram State University Act 2025 hi MZP in
zirchianna neih a, a tul anga hmalak ni rawh se.
MZP General Headquarters Assembly cum Election 2025 chuan heng mite hi Kum 2025- 2027 chhung a MZP General Headquarters hruaitu tur thlanna neiin, vote 977 tlain, Dr C Lalremruata chu President thar atan thlan chhuah a ni. Hruaitu thlan thar dangte chu:
PRESIDENT: Dr. C. Lalremruata
VICE PRESIDENT: Sanghmingthanga
GENERAL SECRETARY: C.Lalhmingsanga
ASST. GEN. SECRETARY: Lalentlinga
TREASURER: Rothanliana
FINANCE SECRETARY: Nangsawmthanga
MZP President thar Dr C Lalremruata hi, Hnahthial District-a, S Vanlaiphai khaw mi leh sa a ni a, Mizoram chhim lamin MZP President kan neih hmasak ber a ni.
