MZP Hnahthial leh DC Office Hnahthial tangkawp buatsaihin Zirlaite pual Debate Competition neih a ni

Hnahthial Post | September 10, 2025, Hnahthial: Mizo Zirlai Pawl Headquarters Hnahthial leh Deputy Commissioner, Office Hnahthial District ṭangkawpin an buatsaih 'Nasha Mukt Bharat Abhiyaan District Level Higher Secondary School Debate Competition' 'Mizorama ruihhlo kan do dan hi a tha tawk a ni' tih thupuia hmangin BDO Conference Hall Hnahthialah vawiin khan tluang taka neih a ni.

Debate Competition ah hian School pathum FD Higher Secondary School Hnahthial, Moriah Higher Secondary School Hnahthial leh Govt Higher Secondary School Hnahthial aṭangin zirlai 19 an tel ni.

Debate Competition hi Tv C Rodingliana Chairman District Level Debate & Quiz Competition chuan kaihruaiin, Rev C Lalhmangaihzama Chairman, HKJC chuan hunserh a hmang a ni.

Pu Jimmy Lalrosanga President MZP Hqrs Hnahthial leh YMA Sub Hqrs Hnahthial Ruihhlo Do Committee Secretary ni bawkin thusawiin, Zirlaite chu ruihhlo ti lo turin leh do tlat turin a chah a, ruihhlo do kawnga hmalakna hmasa ber chu ruihhlo tih loh hi a ni, a ti bawk. 

He hunah hian Pu Vanlalrova Varte Asst Prof., GHC, Pu K Lalhunmawia, Adviser MZP Hqrs Hnahthial leh Pu C Zonunmawia, Adviser MZP Hqrs Hnahthial te chu Judge an ni a. Pu R Lalngaihawma Asst Prof GHC chu Speaker a ni.

Debate Competition Result te hi 12th September, 2025 Zirtawpni zanah Quiz Competition nen a ruala neih tura ruahman a ni.

Naktuk ni 11 September, 2025 chawhma dar 10:00 -a tan turin 3rd Hnahthial Inter District Quiz Competion neih a ni dawn bawk a, he hunah hian Hnahthial District chhung khaw hrang hrang aṭangin Zirna In 20, Middle School 15 leh High School 5 te an tel dawn a ni.