Baptist Church of Mizoram Pastor bial inkhawmpui nei mek

Hnahthial Post | October 11, 2025, Thingsai: Mizoram Baptist Kohhran Bial hrang hrang te chuan October ni 10-12, 2025 chhung hian Bial Inkhawmpui neih mek chu nizan atang khan neih tan a ni.

Ramchhung hmun dangte rualin Hnahthial district chhung Pastor hrang hrangte pawhin Bial Inkhawmpui hi nei mekin Thingsai Pastor Bial te pawhin BCM Bethel Kohhran Thingsai ah inkhawmpui hi an nei a. Kumin Inkhawmpui hi a Vawi 69-na niin Thupui atan "Isua zuitu rinawm" hman a ni a, speaker hran awm lovin mi hrang hrangin hnen atangin Thuchah ngaihtlak thin a ni. Thingsai Pastor Bial chhungah hian Kohhran paruk(6) an awm mek a,vawin hian Kohhranpui Rorel neih niin Fellowship Department te ṬKP, BKHP leh BMP te hian Ni 8 tunkar Nilaini khan an lo nei tawh bawk .

Vawin vek hian Inkhawmpui Rorel lo te tan variety programme a hun hman niin Awareness campaign 'Ruihlo Do' chungchang Upa H.Hmingtahnzuala BCM Electric veng Hnahthial Jehovah Jire Home hnen atangin inzirtirna hun hman a ni a, Zaipawl, mimal zai, Group recitation leh Musical drama hmang tein hun hman a ni