Chief Electoral Officer-in Dampa bial By-Election neih turah Political Party, NGO leh MPF te kawm

Hnahthial Post | October 14, 2025, Mamit: Vawiin khan Dr. Lalrozama, Chief Electoral Officer, Gov't of Mizoram chuan 2-Dampa (ST) AC By-Election hmachhawn turah Political Party hrang hrang, NGO leh Mizoram Peaple Forum (MPF) te inthlanna thianglim leh felfai a awm theih nan DC Conference Hall,Mamkt-ah meeting a neihpui.

Dr. Lalrozama chuan Election Commission of India-in a puan anga thlathar ni 11st November, 2025 a 2-Dampa (ST) AC By-Election neih turah inbuatsaihna kal chhohpui mek zel a ni a, inthlanna thianghlim leh felfai a awm theih nan Political Party, NGO leh MPF te thawhhona a pawimawh thu sawiin, langtlang taka inthlanna kalpui a nih theihna turin thawhpuiah a sawm a, Model Code of Conduct(MCC) zawm a pawimawh thu sawiiin Political Party hrang hrangte pawh ECI-in dan leh dun a zamte tha taka zawm chunga campaign kalpui tura chahin, NGO leh MPF te pawh Election Officials te tha tichaktu ni zel turin a chah bawk.

Vawiin meetingah hian Pi Ethel Rothangpuii, Jt.CEO, Pu K. Laltlawmlova, District Election Officer, Pu Manny Bhushan Singh, SP, Mamit leh Pu Lalnunfela Chawngthu, Election Officer te'n CEO hi an tawiawm a ni.