Hnahthial-ah Inter-Departmental Sports hman dan tur relin thukhawm

Hnahthial Post | October 14, 2025, Hnahthial: Vawiin khan Hnahthial DC Meeting Hall-ah Bawrhsap, Pi K.Vanlalruati kaihhruaiin Head Of Office-te chuan office hrang hrangte inpawh tlan zawk nan Inter-Departmental Sports huaihawt an rel a. Sports buatsaih dan tur kimchang zawka rel turin Addl. DC Chairman-na hnuaiah Organizing Committee din nghal a ni.

Bawrhsap chuan Inter-Departmental Department sports huaihawt a nih chhan sawifiahin office tinte inpawhtlan nan leh inlungrual zawka hna an thawh ho theih nan a nih thu a sawi a. Office hrang hranga thawktuten he hun hi thawhhona tha zawk an neih theih nan hmang tangkai turin a chah nghal bawk.

Thutkhawmna chuan kum hmasa lama Inter-Departmental Sports buatsaih a lo nih tawh dan thlir letin kumina inelna turte sawi ho nghal a ni a. Inelna hmun tur, team inthen dan leh Sports neih ni rel turin Organising committee din nghal a ni. Organizing Committee-ah hian Pu Zothanmawia Khiangte, Addl. DC chu Chairman tura ruat niin Member Secretary atan Pu George Lalnuntluanga, DFDO chu ruat a ni bawk.

Thutkhawmnaah hian sports discipline pasarih(7) - Football, Volleyball, Badminton, Checker, Musical chair, Table tennis leh Spoon race ah te inelna hi buatsaih ni se tia rel a ni.

Thutkhawmnaah hian Head of Office-te leh Office hrang hrang aiawhte an thukhawm a ni.