Chief Minister Pu Lalduhoma’n Dawki Land Port a tlawh

Hnahthial Post | October 30, 2025, Aizawl: Meghalaya a cham mek Chief Minister Pu Lalduhoma chuan nimin (29 October) khan Dawki Land Port, West Jaintia Hills District a mi chu a tlawh a, he hmuna thawkte nen inkawmna an nei.

Dawki Land Port hi India leh Bangladesh ram te insumdawn tawnna hmunpui a nih bakah ram pahnih mipuite dan ang thlapa an inkalpawhna hmun a ni. Land Port chhungah hian Integrated Check Post , Cargo Terminal, Warehouse Building, Weighbridge, Passenger Terminal Building, Canteen Facility, Medical Facilty, Forex Counter, Duty Free Shop leh Parking area te a awm a. Land Ports Authority of India hnuaia din niin, kum 2023 khan hawn a ni.

Chief Minister hi Pu TC Chacko, Regional Administrator, Land Ports Authority of India bakah Pu PS Tombing, Chief Immigration Officer, ICP Dawki, Lalhmingmawia, IRS, Addl Commissioner, Customs, Eric C. Lallawmpuia, IRS, Jt. Commissioner, Customs, NV Siam, Second in Command, 4 Bn BSF bakah Anendya Rajshree, IAS, SDM ten an lo dawngsawng a ni.