Lok Sabha MP Pu Richard Vanlalhmangaiha hovin Hnahthialah Sawrkar laipui Scheme kalpui kalpui dan thlir letna - DISHA Meeting nei

Hnahthial Post | October 10, 2025, Hnahthial: Vawiin khan District Rural Development Office Conference Hall, Hnahthialah Lok Sabha MP, Pu Richard Vanlalhmangaiha kaihruaiin South Tuipui bialtu MLA Pu Jeje Lalpekhlua nen Hnahthial Dstrict chhunga Head of Office hrang hrangte nen District Development Coordination and Monitoring Committee (DISHA) neih a ni a. Meeting-ah hian Hnahthial District-a Department hrang hrang 17 te chuan kum 2025-26 ( Sept, 2025 thleng) chhunga an hmalakna report thlirho a ni.

Lok Sabha MP, Pu Richard Vanlalhmangaiha chuan kalkhawmte chu lawmthu hrilhin Sawrkar Laipui atanga scheme lo kal thin te tha taka thawh a tul thu leh central sum hman dan hrechiang turin DISHA meeting a hun taka neih a pawimawh thu a sawi a. A bik takin Line Department te an pawimawh hle thu sawiin theihtawp chhuah a, ram leh mipuite tana thawk turin a chah a. Line department-te inbuatsaihna leh hna thawh tawhna te chu fakin, hlawhtling leh awmze nei zawka hmasawnna hna thawh kalpui a nih theih nan department hrang hrangte chu an hma zawn ṭheuhvah theihtawp chhuah chhunzawm zel turin a chah a ni. Sawrkar Laipui Scheme kalpuinaa harsatna awmte pawh inthlahrung lova a hnena thlen ṭhin tura chahin, a theih ang anga chin fel dan ngaihtuahpui a inhuam thu a tarlang a ni.

South Tuipui bialtu MLA Pu Jeje Lalpekhlua chuan Lok Sabha MP hova DISHA meeting Hnahthialah ngei neih a ni thei chu lawmawm a tih thu lehHead of Office te chu Hnahthial District mai ni lo, ram tana an rawngbawlna kawngah theih tawp chhuah a tan la sauh suah turin a fuih a ni.

Meeting-ah hian Hnahthial District-a Department hrang hrang 17-ten kum 2025-26 chhunga Central Scheme hnuaia an hmalakna langsar zualte a hnuai ami ang hian an tarlang:-

Agriculture Dept chuan MEO - OP scheme atangin farmer te hnenah sprayer 164 an sem chhuah tawh thu an tarlang.

School Education Dept-ah Samagra Shiksha hnuaiah school ( Primary atanga HSS) 154 awmin zirtirtu 777 leh zirlai 6536 an awm mek tih report a ni a, raltlan school naupang 206 an awm mek thu tarlang a ni bawk. PM Poshan( Mid Day Meal) hi School 100 ah kalpui niin school naupang 3896 in an chhawr mek a ni.

FCS & CA Dept-ah PMUY hnuaiah beneficiary 2025 an awm mek a, NFS hnuaiah Ration Card nei mi 6581 an awm mek thu tarlan a ni.

Fisheries Dept. chuan PMMSY hnuaiah beneficiary 136 hnenah tanpuina pek an ni tawh thu an tarlang.

Health Dept - in live birth record 58 neiin, Infant Death leh Maternal Death record Zero an nei a, naupang 785 hnenah immunization pek an nig tawh thu an report.

Horti Dept. chuan RKVY- PDMC hnuaiah farmer 29 hnenah drip leh sprinkler an pek tawh thu an report a ni.

ICDS hnuaiah AWC 115 awmin, naupang 1142 an awm mek a ni.

MGNREGA nen convergence in, AWC, Leite chu cheng nuai 10 a sak mek a ni.

Hnahthial Dist a Bank Branch hrang hrang 5 atangin Sorkar Flagship Programme Hand Holding hnuaiah progress partner 7 ten Loan/ tanpuina a dawng tawh a, KCC loan mi 172 hnenah pek a ni tawh bawk.

RD &A Dept chuan MGNREGA hnuaiah Job Card nei mi 7065 an awm mek thu tarlangin FY 2025-26 ah mi 63 inhlawhna pek a nih tawh thu tarlang a ni bawm. SASCI hnuaiah Library 15 sak zawh tawh niin MzSRLM hnuaiah SHG - 699 awmin, VO - 33 leh CLF - 4 a awm mek. PMAY-G hnuaiah in 265 sak zawh tawh niin, sak mek 84 a awm. WDC- PMKSY hnuaiah S.Chawngtui, Tarpho leh Khawhri ah hmalak mek a ni.

Sericulture Dept -in Silk Samagra -2 hnuaiah progress partner mi 10 ( eri culture) leh mi 37 ( muga silkworm) hnenah tanpuina an pe tawh.

UD & PA Dept-in PMAY-U hnuaiah insak tanpuina mi 390 hneah final payment an pe tawh a. DAY- NULM hnuaiah District Hospital , Hnahthial ah Patient Attendant Shelter leh Bazar Vengah Public Toilet an sa bawk.

Hei bakah hian sawrkar laipui scheme dang hrang hrang -Agriculture & FW Department hnuaia RKVY, SHC, PM-KISAN leh scheme dang te; Commerce & Industries Department hnuaia PMEGP te; School Education Department hnuaia Samagra Shiksha, PM-POSHAN (Mid-Day Meal) leh PM SHRI School te; Food Civil Supplies & Consumer Affairs hnuaia National Food Security Act & Price Monitoring te; H&FW Department hnuaia National Health Mission (NHM) programme hrang hrang te; Lead Bank, SBI hmalakna te; PWD hnuaia PMGSY, PARIVAHAN te; PHE Department hnuaia JJM, SBM(G) leh Urban Water Supply Scheme te; RD&A Department hnuaia MGNREGS, PMAY-G, PMAY-G Awaas Plus, PMKSY 2.0, MzSRLM leh DDU-GKY te; Social Welfare Department hnuaia NSAP; Sports & Youth Services hnuaia hmalakna hrang hrang te; UD&PA Department hnuaia AMRUT 2.0, PMAY, SBM (U) leh PM SVANidhi te; Women & Child Development Department hnuaia ICDS, BBBP, PMMVY, Saksham & Poshan 2.0, leh Mission Shakti te; CADC hnuaia RGSA hmalakna te; NHIDCL hnathawh te sawiho a ni.