Hnahthial Post | October 10, 2025, Aizawl: Mizoram Sorkar chuan MPSC hnathawh thin mek siam belhin, Mizoram Sorkar department hnuaia direct recruitment hmanga hna lak reng rengah chuan MPSC-in question set vek turin MPSC limitation of functions a siam tha a. ‘The Mizoram Public Service Commission (limitation of functions) (Amendment) regulations, 2025 chu Gazette-ah dt 24.09.2025 khan a chhuah.
Tuna kalphung dinglai ah chuan Pay level-05 leh a hnuai lam chu department-in question set leh recruitment an khawih thin a. MPSC hian Pay level-06 leh a chung lam a khawih thung a ni. Sorkar-in ruahmanna thar a siam dan chuan Sorkar department hnuaia direct recruitment-a hna lak tur reng reng ah chuan, department-in a khawih chinah pawh question set chu MPSC chauh in an set tur tih a ni. Hei hi department ten MPSC hnenah an thlen thin ang tih a ni. Department-in mahni in question a set theih tawh lova, question set tura midang rawih a remchang tawh lova. Tin, question set bakah hian exam kaihhnawih dang answer scripts endik leh a tul dangte ah MPSC rawn hmasa chungin, Department ten MPSC hi hna lak chungchangah an puihna an dil thei bawk ang tih a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News