Hnahthial Post | October 15, 2025, Thingsai: Thingsai khaw tui chawmtu ber tui kawng that loh avangin harsatna mipuiten tawk mek.
Tunhnai ruah sur nasa avanga Thingsai khaw tui lak Zotuithiang atanga tui lakna pipe chu Phisakai ram ah leiminin a hnawl chhiat avangin hun eng nge maw chhung chu tui pump theih a ni dawn loh thu WATSAN Committee ten an sawi a. Khawtlang mipuite tui ren chenm taka hmang turin an ngen a, PHE department ten a thlakna tur hi ngaihtuah mek in Hnahthial aṭangin vawin lam hian a lo thleng theih an beisei a ni. Department lam a thawktu te hian a hma thei ang bera siam tha tura hma lak mek thu an sawi a, mipuiten dawh thei taka lo ngaichang turin an ngen bawk.
Tui pump na khawl hi tunhnai ruahsur leh tek tla ah khan tek hian deng chhe bawkin a siam hna hi Department lam ten a rang thei ang bera hma lain an siamtha tawh a.Tui kawng a that chuan harsatna awm lova mipui mamawh ang an pump thei tawh turah an in ngai thu an sawi.
Tags
News