Chief Secretary hovin Tualui chungchanga Supreme Court Order ngaihtuahin thukhawm

Hnahthial Post | November 14, 2025, Aizawl: Vawiin khan Mizoram Chief Secretary Pu Khilli Ram Meena hovin, tun hnaia Supreme Court-in Tualui (Straydogs) chungchanga thu a chhuah bawhzuidan tur chungchang ngaihtuahin, Thupekin a kaihhnawih Department hrang hrang hotute chu Chief Secretary Conference Hall, MINECO-ah an thukhawm.

Thutkhawmnaah hian Department hrang hrang: UD&PA, Health and Family Welfare leh AH&Vety Department hotute bakah, IPR, P&S Department, Transport Department, Sports&Youths Services Department-te, Aizawl DC leh Lunglei DC bakah Sawrkar hotu pawimawh dangte an tel a ni.

Supreme Court of India chuan kumin August ni 22 khan, Tualui chungchanga thuchhuah hmasa a neih chu siam remin, Tualui man khawmte enkawl zuidan tur chungchangah thupek thar a chhuah leh a. Vawiina Department hrang hrang hotute thukhawm hian he thupek thar mila Mizoram sawrkar hmalak dan turte uluk takin an rel a. Pu Lalmalsawma Pachuau, Secretary, UD&PA chuan Supreme Court thupek leh a bawhzuina atana ruahmanna awmte hi a sawifiah a ni.