Dampa Bial By-Election-ah Dr R Lalthangliana'n vote 6981 hmuin MLA atan thlan tlin a ni

Hnahthial Post | November, 14, 2025, Mamit: 2-Dampa (ST) AC Bye Election inthlan result-te tukin zing dar 8 khan tluang taka chhiar niin Dr.R.Lalthangliana, MNF Official candidate chuan Vote 6981 hmuin a vote a hmu sang ber a, Pu Malsawmzuala, Returning Officer, 2-Dampa (ST) AC chuan Member of Legislative Assembly member nihna certificate a hlan nghal a ni.

Dampa bial Bye Election-a Vote tlate hi DC Conference Hall-ah chhiar niin table 9 ah chhiar a ni a, Round 1 atanga 5 thleng awmin, Postal Ballot a awm bawk a ni.

2-Dampa(ST) AC neih zawk taka Candidate te vote hmuh dan hetiang hi a ni.

1. John Rotluangliana, INC - 2394

2. Lalhmingthanga, BJP - 1541

3. Dr. R.Lalthangliana, MNF - 6981

4. Vanlalsailova, ZPM - 6419

5. K.Zahmingthanga, MPC - 50

6. Nota - 45 te an ni.

Vote tlate hi tluang taka chhiar zawh niin chawhma dar 11:00 hmaa chhiar zawh vek a ni.