Hnahthial DCPU huaihawtin Children's Day 2025 hman a ni

Hnahthial Post | November 14, 2025, Hnahthial: Vawiin khan DC Conference Hall, Hnahthialah Women and Child Development Department hnuaia Hnahthial District Child Protection Unit huaihawtin 'Children's Day 2025' lawmna hun chu Hnahthial-a home pahnih naupangte leh thawktu ten an hmang a. Pi K. Lalramchuani, Chairperson, Child Welfare Committee Hnahthial District chuan khuallian niin a hmanpui.

Khualllian chuan India rama Children’s Day lo chhuah dan te sawiin naupangte chu nakin lawka kan khawtlang leh ram tana mi tangkai tur an nih avangin thu an awih a, midang rinchhan mai lova, an tih theihtawp an chhuah ve a tul thu a sawi a. Hmasawn tura theihtawp an chhuah bakah zuk leh hmuam, ruihhlo laka fihlim tlat tura chahin hmeichhiat mipatna kawnga insum turin a chah a. Khua leh tui tha nih tum tlat tura chahin an puitlin hunah pawh midangte tana nun hmang chho zel turin a chah a ni. Hnahthial District Women & Child Development Department-a thawktute chu thawhhona tha tak nei chunga hma lam pan chhunzawm zel turin a fuih bawk.

He hunah hian District Child Protection Officer (DCPO) Dr. R. Lalrinhlua chuan inlawmna thu a sawi a, session hnihnaah home naupangte hian an thiam thil chi hrang hrang an entir bawk a ni.