Dampa Bial By Election-ah tlai dar 4 thleng Vote tla 82.32% a ni; Marpara north Polling Station-ah vote thlakna la kalpui mek

Hnahthial Post | November 11, 2025, Aizawl: 2-Dampa (ST) AC Bye-Election chu tukin zing dar 7 atang khan tluang taka kalpui a ni a, vote thlak theih hun atana Election Commission of India in a ruahman 7:00 Am - 4:00 Pm chhunga vote tla percentage hi thleng 82.32% niin, Marpara North Polling station-ah hian tlailam dar 4 hmaa Polling area lut hman vote thlak mek an la awm avangin vote thlakna la kalpui mek a ni.

2-Dampa (ST) AC By-Election hi boruak muanawm tak hnuaia kalpui a ni a, Dampa bial chhung Polling station 40 a inthlanna kalpui mek hi District Election Office atangin Webcasting hmanga vil reng an ni a. Zopui Polling station hi kawlphetha a luh loh avangin webcasting hi kalpui theih a ni lo a ni.

2-Dampa (ST) AC Constituency chhungah hian Voters hi 20790 awmin, tun thlenga vote tla tawh zat hi 17200 a ni a. Venhim ngai bik (Critical Polling Station) Silsury I,II, III ah pawh vote thlakna tluang taka kalpui a ni bawk.