Health Minister in CSR & Sustainability Conclave, 2025 hmanpui

Hnahthial Post | November 21, 2025: Vawiin khan Health Minister Pi Lalrinpuii chuan Odisha khawpui, Bhubaneswar a neih - CSR & Sustainability Conclave 2025 chu Khualzahawm niin a hmanpui a. He conclave thupui ah hian - Deployment of Affordable, Adaptable & Scalable Technology Solutions for Inclusive Development tih thlan niin, he conclave puala Start up Exhibition chu Dy Chief Minister Odisha nen an tlawh nghal bawk.

Pi Rinpuii chuan BCKIC in National CSR conclave a thusawi tura an rawn sawmna chu lawmawm a tih thu sawiin, NE State atanga a bik taka sawmna dawngtu nih chu ropui a tih thu a sawi bawk. CSR kaltlangin PSU leh Pvt Company lian tam takin mipui hnenah development nasa tak an thlen tawh thu a sawi a, UNSDG in a phut te tihhlawhtlinna turin hmalakna tur tam tak a la awm avangin mihring in damkhawchhuah nana a mamawh kawng hrang hrangah te hmasawnna rualkhai taka a kal a pawimawh thu a sawi bawk.

CSR fund hman tangkai kawngah State lian leh te, a bikin NE states te, kan la inthlauh zia sawiin, Mizoram phei chu India ram zingah CSR fund dawng tlem ber kan nih avangin kan la hnufualna a bikin infrastructure, Health leh eizawnna Livelihood sector ah te Mizoram ah lo lut turin a sawm a, State sawrkar chuan zau takin a inhawn thu sawiin, hemi atan hian a bik takin CM office ah CSR cell dina hma lak mek anih thu a sawi bawk.

India sawrkar in Companies act 2013 hmanga company leh PSU te chu an hlep atanga mipui a luangchhuak ve tura a phut ang ngeiin an company dinna leh in hnathawhna na hmun piah lamah pawh in semzai a luangchhuak ve tura a beisei thu sawiin Mizoram chu tlangram, International border a awm kan nih vang leh inkalpawhna tha kan la neih that tawk loh avanga harsatna (challenges) state dangten an tawh loh tawk kan nih avangin leh Industry lian kan la neihloh avangin CSR fund leh Innovation lama tui start up te tan pawh state sawrkar chuan phur takin a lo dawnsawn tur thu a sawi a ni.

CSR hmang hian Sawrkar scheme leh guidelines in a tihtheih piah lama mipui mamawh phuhruk nan tangkai taka lo thawh (Gap filling) lam kawngah tihtheih zau tak a nei tih sawiin inpawhfan theihna (flexibility) aneih chu awmze nei taka Mizoram a rawn hmang turin angen a ni.

He conclave ni 2 chhung awh tur hi Pu Kanak Vardhan Singh Deo Deputy CM Odisha in a hawng a,National PSU company te bakak start up company thahnem tak an kalkhawm a ni.

He program hi Bhubaneswar City Knowledge Innovation Cluster (BCKIC), Office of the Principal Scientific Adviser (PSA) to the Government of India Leh Department of Energy, Government of Odisha te huaihawt a ni.