RD&AD hnuaia thawktu Officer rualte pualin thingtlang hmasawnna leh mi harsa zawkte tana sawrkar hmalaknate zir chianna leh en hona hun buatsaih a ni

Hnahthial Post | November 7, 2025, Aizawl: Vawiin khan Rural Development & Administration Department hnuaia Officer-te pualin thingtlang lam tih hmasawnna tur leh rethei zawkte’n leirem an rah theihna tura sawrkar flagship Programme hrang hrang – National Rural Livelihood Mission (NRLM), Lakhpati didi, Deen Dayal Upadhyaya Grameen Kaushalya Yojana (DDU-GKY) leh thil dangte zir hona leh hmalaknate thlirleta, sawi hona hun, Aijal Club-ah buatsaih a ni a; RD&AD Minister Prof. Lalnilawma’n he hun hi hmanpuiin, RD&AD Commissioner & Secretary leh MzSRLM State Mission Director ni bawk Pu R. Zarzosanga’n inkhawm hi a kaihruai a; State, District leh Block level-a Officer-te he hunah hian an tel a ni.

Minister chuan RD&AD hnuai-ah thawktu thar lut leh chhuak tawk an awm reng avangin chak zawka hnate thawh a nih theih nan, sawrkar hmalakna leh hnathawhte hrechiang tura inzir thar reng chu thil pawimawh tak a nih thu a sawi a; Mizorama thingtlang khuate tih hmasawn nan Vibrant Village Programme (VVP), khaw 109-ah kalpui tan a nih tur thu leh thingtlang khua chengte leh a bikin nuhote’n eizawnna tha zawk an neih theih nan sawrkar chuan RD&AD hnuaia Mizoram State Rural Livelihood Mission (MzSRLM) kaltlangin, theihtawpa hma a lak mek thu a sawi a; Minister chuan Mizorama Self Help Group (SHG) te chak zawk leh awmze nei zawka an kal theih dan tur chu a thil ngaih pawimawh a nih thu sawiin SHG-te thil thar chhuah leh siam chhuahte, zau zawk leh hlawk zawka zawrh leh hralh a nih theih nan tunhnai-ah SELHEL Brand thar din a nih thu te, sawrkar scheme leh department hrang hrangte nen pawh kawng hrang hranga thawh hona tha zawk (convergence) a awm theih nan hma lak a nih thu te, Ropuiliani Women Farmer Producer Comp

Tun dinhmunah MzSRLM hnuaiah hian thawktu mi 360 awm mekin, state level-ah mi 39, District level-ah 25 leh Block level-ah mi 296 an awm mek a, 90% post hnawh khah niin India rama ti tha berte zingah Mizoram chu a awm mek a; Self Help Group hi 11,257 awm mekin Village Organization 759 leh Cluster Level Federation 84 a awm a; Lakhpati Didi (SHG member kum khata net income cheng nuai khat chunglam nei) mi 13,552 an awm mek a ni. Chak zawka hma lak zel tum a ni a, hemi atan hian DDU-GKY hnuaiah kawng hrang hranga thingtlang mite intodelhna tur leh thiam thil zirna tur - Training Manual te, Standard Operating Procedure te leh skill development programme hrang hrangte duana, tih changtlun mek zel a ni bawk.

DDU-GKY programme hi Mizoram State Rural Livelihoods Mission (MzSRLM) hnuaia program pawimawh tak niin, he scheme-in a tum ber chu thingtlang thalai kum 18-35 inkarte’n eizawnna ngelnghet an neih theihna tura skill training pek a ni. DDU-GKY hnuaia trainingte hi a thlawn vek niin, trade hrang hrang- Guest Service Associate (F&B Service), House Keeping Assistant, Domestic Data Entry Operator, Airline Cabin Crew, Retail Sales Associate, General Duty Assistant leh a dangte a training theih a ni.

Tun dinhmunah DDU-GKY hnuaiah thalai training chhuak tawh 3652 awmin, heng zinga mi 2136 te chu Mizoram chhungah leh India ram khawpui hrang hranga 5-star hotel leh Resort-ah te, company leh BPO lian tak takah te, airline Cabin Crew te leh India rama Airport lian tak takah te an thawk mek a ni.

DDU-GKY hnuaia training duhte tan mahni awmna block-a BDO Office-ah a ngaihven reng theih a ni.