Hnahthialah Bana Kaih Scheme hnuaia Sawhthing lei leh hralh buaipuitu tur - Supervisors, Coordinators, PCC leh SCC te tan training buatsaih

Hnahthial Post | January 23, 2026, Hnahthial: Vawiin khan Hnahthial DC Conference Hall-ah District Agricultural Marketing Committee (DAMC) chuan Sawhthing lei leh hralh buaipuitu tur - Supervisors, Coordinators, Primary Collection Centre (PCC) leh Secondary Collection Centre (SCC) enkawltute tan training a buatsaih a. DAMC Vice Chairman leh Addl DC ni bawk, Pu Zothanmawia Khiangte chuan thusawina hun hmangin kalkhawmte chu mipui bakah sawkar tan tan la turin a sawm a ni.

DAMC Vice Chairman chuan tun sawkar hmalakna pui ber, Bana Kaih scheme hnuaia Sawhthing lei leh hralh buaipuitu tur kalkhawmte chu mipui tan mai bakah sawrkar tan theihtawpa thawk turin a chah a. State sawrkar leh mipui dinhmun hre reng chunga rinawm taka hna thawk tura chahin he scheme hi a department bil ang ni lovin sawrkar ang zawngin tang ruala tih a nih thu a sawi a. Loneitute tan tiin theihtawpin sawrkar chuan sum leh tha a seng a, chuvang chuan kalkhawmte bakah loneitute pawh rinawm taka sawrkar hmalakna lo tawiawm thin tura ngenin Foreign sawhthing hralhna remchangah lo hmang lo turin a chah nghal a ni.

Supervisors, SCC leh PCC te chu zai ngai taka thawk ho tura ngen in, pawngpaw phili a in nawr lo turin a ngen a. Kalpui dan tur MAMB in a rawn duan - SOP chu tha taka kan zawm chuan buaina a awm loh tur thu sawiin chumi tur chuan inhriatthiam tawnna nen, a hma aia tan la leh zual turin a chah nghal a ni.

Training hi Pi Julie Zodinpuii, District Agriculture Officer (DAO) chuan kaihruaiin SCC-ah Floor Price aia tlawma hralh phal a nih loh thu a sawi a. Hnahthial SCC hrang hrang a floor price-te a tarlang nghal a ni.

Hnahthial - I : ₹43

Hnahthial - II : ₹43

Pangzawl : ₹43

Cherhlun - ₹41

Chhipphir -₹42

Hnahthial District-ah hian SCC pakhat tan Supervisor pakhat theuh ruat nghal an ni a. Chungte chu :

1. Chhipphir : Pu HD Lalpekmawia, PD, DRDO

2. Hnahthial- I : Pu JH Zosiamliana, DHO

3. Hnahthial - II : Pi Rosy L Fanai, DSO

4. Cherhlun : Dr. C. Sanghluna, DVO

5. Pangzawl : Pu George Lalnuntluanga, DFDO

Floor price hi MAMB atangin Technical support team ten phai lam rate mila an siam a ni a. Rate tarlan hi February ni 1 atanga February ni 7 thleng rin rih tur a ni ang.

Training hi Resource Person - Pu JH Zosiamliana, District Horticulture Officer (DHO) leh Dr. C. Sanghluna, District Veterinary Officer (DVO) te chuan an pe a, SOP thar hrilhfiahna neiin ngaih pawimawh zual te sawi ho na hun hman nghal a ni.