IPR & PS Minister Pu B. Lalchhanzova leh Indian Journalists Union hruaitute inkawm

Hnahthial Post | January 23, 2026, Aizawl: Vawiin khan Information, Public Relations, Printing & Stationery changtu Minister Pu B. Lalchhanzova leh Indian Journalists Union hruaitute - Pu Geetartha Pathak an pawl President, Pu Basheer Madela, an Vice President leh Sunita Devi, an Office Secretary te chu Minister pisa an an inkawm a, thuthar thehdarh leh chanchin thar lakkhawm chungchang te sawiin kawng hrang hranga Mizorama journalist te leh ram chhung journalist te thawhhona leh inpawh na tha zawk a awm thei dan te an sawiho bawk a ni.

Pu B. Lalchhanzova chuan IJU hruaitute chu Mizoram an rawn tlawhnaa lawmthu sawiin an cham chhungin Mizoram in hma a sawnna kawng hrang hrang te chik a, chungte chu an thu ziah leh chanchin an thehdarhnaa te tarlang turin a chah a. Chanchinbu mite pawimawhna leh an hnathawh chungchang sawiin Minister chuan Mizoram leh Hmarchhak chanchin leh thil thleng te national news ah hmuh tur leh chhiar tur a tlem chu a vei thu hrilhin hengah te hma lak a tul thu a sawi. Mizoram Journalists Association (MJA) te nen kawng hrang hranga journalism chawikanna atana thawhho dan kawng dap a pawimawh thu te Minister hian a sawilang bawk a ni.

He inkawm honaah hian Secretary, IPR, P & S Pi Betsy Zothanpari Sailo, Director, IPR Pi K Vanlalsangi, MJA President Pu C. Lalbuatsaiha leh thuthar thehdarhtu Pi PC Zonuntluangi te pawh an tel a ni.