Hnahthial Post | January 13, 2026, Aizawl: National Billiards & Snooker Championship 2025 - 26 khel turin Lalsangzela'n ni 11 January , 2026 khan Haryna a pan a, Championship khel turin a cham mek.
Mizoram Snooker & Billiards Association (MSBA) player Lalsangzela, Khatla South hian nimin khan Haryana hi a pan a ni.
National Billiards & Snooker Championship 2025 - 26 hi Jan 7 atang khan tan tawh niin, Jan 27, 2026 hian a hmawr bawk a ni ang.
Jan 7 atang khan Qualifying an khel a, Jan 11 thleng khan Qualifying an khel a, Senior Snooker Main (24 groups of 4) chu Jan 12 - 18 chhungin HL City Bhadurgarh - Haryana-ah an khel mek a ni.
National Billiards & Snooker Championship 2025 - 26 hi group 24 ah thenin, group tinah mi 4 an awm a, best of 5 fromes in an inkhel vek dawn a ni.
Lalsangzela hi Group W-ah awmin, R Girish - Railway Sports Promotion Board (RSPB), Bala Krishna - Telangagna (TLGN), Manish Jain - West Bengal (WB) te nen an awm ho a ni.
National Billiards & Snooker Championship 2025 - 26 khel tur cham mek MSBA player Lalsangzela hi Jan 23 - 27, 2024 chhunga buatsaih 'Mizoram State 6 Red Snooker Ranking Tournament 2024'-ah Champion a ni a.
March 18 - 30 chhunga buatsaih Mizoram State 9 Ball Pool Championship-ah Champion a ni a. May 20 - 25 chhunga neih zawh tak Mizoram State 9 Ball Pool Ranking Tournament 2024-ah khan Finalist (Runners Up) a ni a.
June 24 - 29 chhunga buastaih Mizoram State 10 Ball Pool Ranking Tournament 2024-ah Quarter finalist a lo ni tawh a. Tunah hian, July 15 - 20 chhunga buatsaih Mizoram State 6 Red Snooker Ranking Tournament 2024-ah a champion leh a ni.
November 10 - 15, 2025 chhunga Millennium Centre Atrium-a buatsaih Ather Electric Scooter 9 Ball Pool Championship 2025 finalist a ni a.
September 8 - 13, 2025 chhunga khelh Mizoram 6 Red Snooker Championship 2025 - 2026 -ah finalist a ni.
Feb 17 - 24, 2025 chhunga khelh Mizoram State Snooker championship 2024 - 2025 ah finalist a ni.
2025 January thla tawp lama 91st Indian National Billiards & Snooker Championship, 2025, Indore, Madhya Pradesh a khelh-ah Lalrina Renthlei nen Mizoram aiawhin an khel a, Lalrina Top 16 leh Lalsangzela Top 32 te hian an khel ṭha hle a, Senior level-ah chuan National Championship a Mizoram in record an neih ṭhat ber ṭum a ni nghe nghe.
