Hnahthial Post | January 17, 2025, Aizawl: Tun kar Ningani leh Zirtawpni khan Rajya Sabha MP Pu K.Vanlalvena chuan Thingsai-Bualpui-Saisihchhuah-Pangkhua-Sangau (TBSPS) Kawngpui sial lai mek leh Tuipui D (tuna Tuipui South) lei (bridge) thar siam tur chu a hmunah kalin a enfiah.
.jpeg)
Indo-Myanmar border road siam lai mek Hnahthial District a Bualpui H leh Lawngtlai District a Pangkhua te inkar hna thawktu BRO ten Compensation harsatna chhuanlam avanga kum 2021 atanga 2023 inkar chhung hnathawh an chawlhsan chu Central sawrkar hotute hnenah hna thawk chhunzawm thuai tura a lo ngen thin tawh avanga hna chhunzawm leh tak thu MP Pu K. Vanlalvena chuan sawiin a hmun ah kalin a enfiah a. Pangkhua atanga Saisihchhuah Myanmar border road laihna tur atana DONER Ministry in kum 2021 a cheng vaibelchhe 66 a lo sanction tawh BRO ten hna an thawh loh avanga DONER Ministry in pawisa sanction tawh sa a hnuh kir vek hnuah sorkar laipuia Ministry of Defence in Hnahthial District Bualpui H lam atanga kawngpui sial hna kum 2024 tawp lam atanga an lo chhunzawm leh thei ta chu lawmawm a tih thu Pu K. Vanlalvena chuan a sawi a ni. Rajya Sabha MP chuan Bualpui H atanga Tiau leh Chhimtuipui infinna bul thlenga Border road laih mek chu a hmunah tlawh in, Pangkhaw ram leh Bualpui H ram dawh zawm tu tur Chhimtuipui lui chunga Lei Bridge siam tur ban phunna lai turte BRO EE te nen an en ho nghal bawk a ni.
.jpeg)
Hnahthial bul Darzo kai Tupui D (tuna Tuipui South) a motor lian zawh theih tur bridge siam tur ban phunna lai tur pawh Hnathawktu ABCI Infrastructure General Manager te nen an en ho nghal bawk a. Tuipui D (tuna Tuipui South) motor lian zawh theih tur Lei (bridge) siam tur hian Director General of BRO chu Delhia a office-ah Pu K. Vanlalvena chuan tum thum a lo lenchilh tawh a ni.
Tun hnaia Chhimtuipui chunga lei dawh tur pahnih te hi 150 m leh 255 m a sei te an ni a. Cheng Vaibelchhe 25 leh 75 te senga dawh tura ruahman an ni. September 2027 ah dawh zawh hman tura ruahman an nih thu BRO EE te leh ABCI General Manager te chuan Rajya Sabha MP Pu K. Vanlalvena chu an hrilh a ni.
.jpeg)
BRO EE ten Pu K. Vanlalvena an hrilh danin Pangkhua lam atanga Saisihchhuah panna tur kawngpui sial hna chu Compensation pek zawh fel hnuah tan tura ruahhman a nih thu leh Pangkhua a compensation pek tur te chu tun atanga thla hnih chhunga pek fel vek an tum thu Pu Vena hi an hrilh bawk a ni.
Thingsai leh Bualpui H inkara blacktop loh border road KM hnih a thui la awm chu a ngaimawhawm thu leh kumin fur ruah tui tlak hma ngeia bolder phah hman ngei a tul thu Rajya Sabha MP chuan BRO hotute hnenah a thlen nghal a. BRO hotute chuan khawtlang hruaitute nen tangrualin an tih ngei tur thu Pu K. Vanlalvena hi an hrilh nghal bawk a ni.
BRO EE Vikash Kumar Singh, BRO OIC Shambu KR.Tarun, ABCI infrastructure company Gen Manager Prafulla Borgohain, Thingsai VC, Bualpui VC leh NGO, Hnahthial VC ten Pu K. Vanlalvena hi an tawiawm a ni.
.jpeg)
.jpeg)
.jpeg)
.jpeg)
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Post Instagram:
Hnahthial Insta Facebook:
Hnahthial Post YouTube:
Hnahthial Post Twitter:
Tags
News