Sericulture Minister-in Sericulture department inhlantharna hun a hmanpui

Hnahthial Post | January 20, 2025, Aizawl: Vawiin khan Pu Lalthansanga, Minister, Sericulture Department chuan Sericulture Department hnuaia thawktute Pathian hnena inhlantharna leh infuihna hun chu Conference Hall, Directorate of Sericulture, Chaltlangah a hmanpui.

Minister Pu Lalthansanga chuan Mizoram chu Pathian ram a ni a, Pathianin Chanchintha hmanga min pek a ni tih hriat reng a tul thu sawiin, Sericulture Department chu ram siamtha thei khawp Department a nih avangin Pathian rawngbawlna anga ngaia theihtawp chhuaha thawk turin kalkhawmte a fuih a ni.

Pi Florence Zotluangpuii, Secretary, Sericulture Department pawhin thu sawiin, Department lungrual leh inngeih tak a nih thu leh thawktute chu an hnathawhah Pathian hnena lawmthu sawina tur an ngah hle tih a sawi a. Sericulture Department chuan hmachhawp tam tak neiin, la dai ngai loh an hmachhawn dawn avangin thawktute chu theihtawpa tan la turin a fuih bawk.

He hun hi Pu Lalrinawma, Director, Sericulture Department-in kaihruaiin, Minister leh Secretary bakah Pi Zohmingthangi Fanai, Under Secretary, Sericulture Department leh Pu C. Lalremliana, Chairman, KVI Board te’n an hmanpui a. Rev. Dr. H. Vanlalruata’n hunserh hmangin, kum thar thuchah atan hmasawn tura inpumkhatna leh rilru thar put a tulzia a sawi a ni.