Hnahthial Post | February 13, 2026, Aizawl: Vawiin khan MYC auditorium-ah Mizo thalai ten Japan a hna an thawh theih dan tur chungchanga inrawnkhawmna leh sawihona zenken corporation, Japan atanga lo kalte leh NSDC aiawh te nen neih a ni.
Pu Malsawmzuala Ralte, chairman, MYC-in sawi hawnna a nei a, Kum hmasa lamah japan a hnathawk duhte chu Noida NSDC training centre-ah thawnin, japan tawng an zuk zir thin a. Kumin atangin MYC office-ah NSDC nen thawk hovin Japan tawng a zir theih tawh dawn a ni. Thla 9 chhung zir a, exam a pass te chuan Japan-ah hna an hmu thei dawn, tih a sawi.
Shimpei Uchida, Zenken General Manager-in presentation a pe a, Japan a hnathawh tur awm te sawiin, hnathawh dan kalphung leh tul dang dang kalkhawmte a hrilhfiah.
Mizo thalai kalkhawm ten zawhna chi hrang hrang an hriat duhte an zawt bawk.
MYC office-ah hian Japan tawng zirna class tan thuai turin NSDC te nen thawhhona tur MoU buatsaih mek a ni a, a rang thei ang a tawng zirna hi hawng tura ruahmanna kalpui mek a ni.
Tags
News