MSPCC-in Handholding Scheme dinhmun thlir ho; MRB-in Scheme hnuaiah loan pe chhuak tam ber

Hnahthial Post | February 11, 2026, Aizawl: Mizoram State Policy Coordination Committee (MSPCC) chu nimin (10.02.2026) khan Planning & Programme Implementation Department Committee Room-ah Vice Chairman Dr. KC Lalmalsawmzauva hovin an thukhawm. Meeting hian Handholding Scheme Phase 2 hnuaia dilna lutte thlir hovin, CM Special Package hnuaiah dilna 372 leh loan dilna 134 an pawm a ni.

He meeting-ah hian nodal department hrang hrang atanga loan leh CMSP dilna theh luhte an zirho mai bakah Partner Bank hrang hrang hmalak tawhna te enho a ni bawk a. February ni 9, 2026 thleng khan SBI in Progress Partner 82 hnenah loan cheng 7,52,09,912 an pechhuak tawh a; Mizoram Rural Bank in Progress Partner 260 hnenah loan cheng 20,61,02,150 pechhuak tawhin in Mizoram Cooperative Apex Bank in Progress Partner 42 hnenah loan cheng 5,90,77,866 an pechhuak tawh bawk. Heng bank pathum bakah hian Partner Bank dang IDBI Bank leh Union Bank of India te nen nasa zawka thawhhona neih ni se an ti bawk.