New Ngharchhip mipuiin an khua aṭanga MCS inziak tling hmasa ber Lalhruaitluanga ropui takin an hmuak

Hnahthial Post | February 13, 2026, New Ngharchhip: Nimin (12.02.2026) chawhnu khan New Ngharchhip, Hnahthial District khawtlang mipui chuan an khua atanga MCS inziak tling hmasa ber Tv Lalhruaitluanga s/o J Lalruata chu ropui takin an lo hmuak. New Ngharchhip mipuite hian kawtchhuahah lo hmuakin kawtchhuah atangin khawchhungah an zawn lut a,New Ngharchhip hi Hnahthial District a awm niin In 100 vel an ni.

MPSC buatsaih Mizoram Civil Services Combined Competitive Exam 2025 ah Lalhruaitluanga hi 14th rank niin, New Ngharchhip mipuite chuan an lawmpuiin an chawimawi hle a ni.