Hnahthial Post | February 12, 2026, Aizawl: Vawiin khan Science, Technology and Innovation Hub (STI Hub) Mizoram chuan Aizawl chhunga Anganwadi-a thawkte tan ei leh in man man zawk, hlu zawk leh hrisel zawk siamchhuak tura thlai leh thei sawngbawl dan zirtirna ‘Hands-on training on value-added food products’ chu Vaivakawn Cultural Centre-ah a buatsaih a. He training hi February 12-13 chhung neih tur a ni a. Vawiina a hawnna hun hi Prof. Lalnilawma, Minister, Rural Development & Administration Department (RD&AD) chuan khuallian niin a hmanpui a, value-added food product 12 siam dan ziahna lehkhabu (recipe book) ‘Value-added food product for income generation’ a tlangzarh nghal a ni.
.jpeg)
Minister Prof. Lalnilawma chuan he hunah hian thusawiin, STI Hub chu tribal-te tana eizawnna awlsam zawk leh tha zawk zawnchhuahna tura duan a nih thu leh STI Hub hnuaia ITLIVES project kaltlangin kan rama kan tharchhuah thlai leh theite hmanga ei leh in man man zawk, hlu zawk leh hrisel zawk siam dan inzirtirna neih thin a nih thu a sawi a. Anganwadi-a thawkte chu nu-in nau a pai lai atanga nu leh nau enkawltu pawimawh tak an ni a, Mizorama thalai hrisel leh thluak tha tak tak chher chhuaktu an ni, a ti a. Self Help Group (SHG) nuho thil siam quality tha tak takte chu ‘Selhel’ brand hminga hralhchhuah a la nih tur thu sawiin, damlo kan nan leh thilpekah pawh nuho thil siam tha tak tak leh hrisel zawkte kan inpeka, kan ram chhunga market kan siam a pawimawh thu a sawi a. Vawiina kalkhawmte chu training tha tak leh hlawkthlak tak nei turin duhsakna a hlan a ni.
.jpeg)
Vawiin training hawnna hunah hian Pi Sailopari Sailo, Joint Director, Women & Child Development chu khualzahawm niin, kalkhawmte chu training chhunga ei tur hrisel tak tak chi hrang hrang siam dan an zir turte chu uluk taka zir turin a fuih a.
.jpeg)
STI Hub Mizoram hi Mizoram University leh Amrita University, Kerala ṭangkawpin an enkawl a. Programme hrang hrang pali: Digital Literacy & Adolescent Awareness Ambassador (DL&AAA), Ayurveda and Health, Food & Nutrition leh Agro-forestry hnuaiah Aizawl leh Serchhip District huamchhunga tribal-te zirtir leh tihhmasawn hna an thawk a ni. Kum 2023-a bultan a nih aṭangin vawiin ni thlengin Aizawl leh Serchhip district hmun hrang hrangah vawi 239 training lo pe tawhin, direct beneficiaries 8,510 an awm tawh a. Hemi bakah hian STI intervention atangin tribal community huam tam zawk thei turin hma lak tum zel a ni.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News