Hnahthial Post | March 11, 2026, Hnahthial: Vawin khan Hnahthial District chhung khaw pahnih, Darzo-ah leh Tuipui South-ah Tui inhlanchhawnna hun - Jal Arpan Diwas chu Er. Lalhruaitluanga, Sr. Executive Engineer, PHED Hnahthial WATSON Division chuan a hmanpui a. He hunah hian khuain tui hnianghnar taka an neih theih lawmna hun hman niin JJM Scheme hmalakna a an tui lakna PHED in an siamsak chu inhlanchhawnna hun hman a ni bawk a ni.
Er Lalhruaitluanga chuan thu sawiin he hun hi hman a nih chhan leh kal khawm chhan te a sawifiah a. Mizoram in 1,33,060 ah tui connection hi pek a nih tawh thu tarlangin Central sawrkar in a tum ber chu mipuiten an mahni in tinah tui herh haw thei se tih chu a nih thu a sawi a. Aug 15th 2009 khan JJM Scheme hi din a nih thu leh chumi kaltlang chuan khaw tin leh mimal in tinah tui connection kan lo nei theih tak thu a sawi a ni.
Jal Apran Diwas hman a nih chhan mipuiten neitu thinglung an put a, tui hlutna chang an hriat theih nan a nih thu a sawi a. Mipui kalkhawmte chu tui dahkhawmna nei ṭha tur leh tui hna humhalhna kawnga hma la zel a, thing leh mau te humhalh tha turin a chah bawk.
Darzo-a hun hmanna ah Pu Lalramchhana, Darzo VCP chuan thusawina hun tawi nei Village Level Fire Presentation Committee leh Village Community bultumin Special Gram Sabha neih a lo ni tawh thu a tarlang a. Tuipui South-a hun hmanna ah Tuipui South VCP, F. Lalthantluanga chuan an khua a tui hnianghnar taka an dawn theih thin avangin PHED hotute hnenah lamwthu a sawi a ni.
Heng program-te hi Pu C. Lallawmzuala Sectional Officer Hnahthial chuan kaihhruaiin hun tawp lamah hian mipuiten Vangtlang thutiam ( Community Pledge) an chham a ni.
Jal Arpan Diwas zawh hian khawtlang hruaituten Jal Utsav hun an hmang nghal a ni.
Tags
News