Hnahthial Post | March 11, 2026, Hnahthial: International Women’s Day, 2026 denchhenin Mizoram State Commission for Women huaihawt, Hmeichhia harsatna tawkte tana Free Public Hearing - Mahila Jan Sunwai, chu Hnahthial District-ah neih a ni a. Hmeichhiate harsatna rang taka chinfel theihna tur a hun siam niin CDPO office Hnahthial-ah Public Hearing hi neih a ni. Pi Rebek Lalruatdiki Khiangte, Member Mizoram State Commission for Women in he hun hi hmanpuiin Addl. SP, Pu Robert S. Beihrosa leh District Legal Services Authority (DLSA) members - Pi Lalrindiki Ralte, Advocate leh Pi Rashmi Chhetry, Advocate te bakah Women and Child Development Department (WCD) thawktute he programme ah hian an tel a ni.
Pi Rebek Lalruatdiki chuan thusawina hun tawi hmangin Women's Commission din chhoh a nih dan te leh an hna thawhte sawi zauna a nei a. He programme tum ber chu hmeichhiaten hmeichhia an nihna anga in lam leh khawtlang nun hona kawng engah pawh harsatna an tawhte thlamuang taka an thlen theihna tur hmun him siam a nih thu a sawi a. Chung harsatna tawkte thu rawn thlen chu a thlawnin theih ang tawka chinfel chu an thil tum ber a nih thu a sawi bawk.
Hawnna programme hi Pi F. Lalnutluangi, CDPO chuan kaihruaiin Pi V. Ramtharnghaki, Centre Administrator, OSC bakah officials dangten he programme hi an hmanpui a ni.
Hearing neih chhung hian hmeichhia paruk (6) te hnen atangin complain dawn a ni a. Mi paruk (6) lo kal in a hmun leh hmunah mi pali (4) case te chu chinfel a ni a. A hmuna chilfel theih tak loh case pahnih te chu CWC leh DLSA lamah refer an ni bawk. Complain tam zawk hi hmeichhiate dikna chanvo rahbehsak te, maintenance dawn tur an dawn loh te, leh Child Custody chungchang te a ni a. Case nei kher lo te pawh hmeichhe humhim dan hre duh te hnenah Legal Counselling pek an ni.
Tags
News