Hnahthial Post | March 10, 2026, Aizawl: Vawiin khan Disaster Management & Rehabilitation Department changtu Minister Prof. Lalnilawma chuan Chief Secretary Conference Hall, MINECO-ah, Mizorama khuarel chhiatna thleng (a bikin Leimin leh Lirnghingte) chungchang zir chianna nei tura cham mek Amrita Vishwa Vidyapeetam University (Amrita University) hotute chu inkawmna hun a hmanpui a. Pu Udid Prakash Rai, Commissioner&Secretary DM&R Department chuan meeting hi kaihruaiin, Mizoram an cham chhunga Amrita University hotu ten zir chianna an kalpui dan tur ruahmannate thlirho a ni.
.jpeg)
He hunah hian DM&R Department changtu Minister Prof. Lalnilawma chuan Amrita University hotute chu thawhhona tha tak nen a hmalakpuiah sawmin, an cham chhunga zir chianna atang chuan Mizoram sawrkar leh mipuite pawhin hlawkna nasa tak an chhar chhuah ngei a beisei tlat tih a sawi a. Mizoram chu khuarel chhiatna chi hrang hrang: Leimin, Lirnghing leh a dangte thlen duh bikna leilunga awm a nih avangin, chumi lam kaihhnawih inzirtirna leh data rintlak tak neih chu tih makmawh a nih thu a tarlang a. Chumi atan chuan Amrita University-a mithiamte chu thawhpui tha tak an nih ngei a beisei thu a sawi bawk a ni.
.jpeg)
Amrita Vishwa Vidyapeetam University hotute hi Mizorama khuarel chhiatna (a bikin Lirnghing leh leiminte) zir chianna nei a, invendan leh chhiatna leh a nghawng tihziaam nana hmalak dan turte zir chiang turin March ni 9 atanga ni 16 inkar Mizoramah an cham ang a. An cham chhung hian Aizawl khaw chhunga lung tlak/lei tawlh duhna hmun (rockfall zones)te bakah, District dang: Saitual, Khawzawl, Lawngtlai leh Mamit-a chhiatna thlen thinna hmunte an tlawhin zirchianna (survey) an nei dawn a ni.
.jpeg)
Vawiina inkawmhonaah hian Amrita University aiawhin Dr. Maneesha Vinodini Ramesh Pro-Vice- Chancellor, Amrita Vishwa Vidyapeetam & Principal Investigator, Landslight Early Warning system te, Dr. S.k. Wadhawan, Adjunct Professor, Amrita University & GSI Director General lo ni tawh te, Dr. Sabari Ramesh, Assistant Professor, Amrita University leh an team member-te an tel a. Aizawl DC, Er. Lalhriatpuia leh Disaster Management & Rehabilitation Department hotute bakah Mizoram Sawrkara hotu pawimawh tak tak ten Amrita University team te hi an lo dawngsawng a ni.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News