Hnahthial District Urban Development Officer kaihruaina hnuaiah ni hnih awh tur

Hnahthial Post | April 14, 2026, Aizawl: Urban Development & Poverty Alleviation Department bultumin Swachh Bharat Mission (Urban) hnuaiah ni hnih awh tur Faina Hnatlangpui - Cleanliness Drive chu Hnahthial District Urban Development Officer, Pi Christina Lalnunfeli kaihhruaiin tukin khan kalpui tan a ni a. Ropuiliani Hall leh HDVA court chhehvel bakah District Hospital pan chhohna bawr te tih fai a ni.

Faina hnatlang hi DUDO staff leh Lungleng Veng BKHP tangkawp ten tukin khan neiin Cleanliness Drive hi naktuk lamah pawh kalpui chhunzawm tur a ruahmanna siam a ni a. Naktuk lamah chuan HDVA Volleyball Court thutna leh a chhehvel chu rawng hnawih that tura ruahmanna siam a ni.