Hnahthial Post | May 16, 2026, Aizawl: Health Minister Pi Lalrinpuii chu nimin khan a pisaah Professor Julia Brotherton, University of Melbourne; Maleeha Ashfaq, Research Assistant, University of Melbourne; Dr Anu Oommen, Christian Medical College Vellore leh SHE-CAN Project Mizoram hotute nen an inkawm a, chhul hmawr (cervical) cancer a an zirchianna leh hmalaknate an sawiho.
.jpeg)
A zirchiangtute chuan chhul hmawr cancer chu mahni a in test theihna kit a awm thu sawiin Mamit khaw hrang hrang paliah zirchianna hi nei tawhin, hmeichhia kum 30 – 49 inkar te chu mahnia in test na tura swab pek an ni a, an sample te chu ZMC & H Lab ah test tura pek leh thin a ni. He zirchianna ah hian hmeichhia 500 chuang screen an ni a, chung zingah chuan natna lang chhuak lemlo Cancer intan thei tur dinhmuna ding mi engemawzat hmuhchhuah an ni a, enkawlna pawh pek nghal an nih thu an sawi. Tin, heng zingah hian mi 3 chu cancer tan tir (pre-cancer) an ni tih hmuhchhuah an ni a, Mizoram State Cancer Institute(MSCI), Zemabawkah enkawlna pek nghal an ni.
.jpeg)
Health Minister chuan an zirchiannate chu a bengvarthlak a ti a, Mizoramah pawh cancer tam chhan zirchianna kalpui tum mek a nih thu a sawi a. He self-testing kit hi hmeichhe tam zawkin an hman tangkai ngei theih a duh thu a sawi bawk a ni.
.jpeg)
SHE-CAN (Self Collected HPV Evaluation for the prevention of Cervical CANcer) Project Mizoram hi Dr Jeremy L. Pautu, Director, MSCI hnuaia kalpui a ni a, GACD-NHMRC, Australia te fund a ni.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News