Hnahthial Post | May 18, 2026, Aizawl: Ministry of tribal affairs atanga fund an hmuh hmangin, MYC-in mizo thalai lehkha thiam sang lote pualin a thlawna mipa lu meh thla khat leh a chanve chhung MT Cutz a training leh hmeichhe sam tan, thla thum chhung Nuseni parlor-a training zo mi 27-te hnenah certificate hlanna hun, MYC conference hall-ah an hmang.
Training chhuakte hian anmahnia hna an thawh tan nghal theihna turin an hmanraw mamawh an pe/hand hold vek bawk.
Pi Lalramdini, US, MYC-in a kaihruai a, Pi V. Lalmuanpuii, secretary, MYC in thu a sawi. Trainer leh training chhuakte atangin thutawi ngaihthlak a ni bawk.
Pu Malsawmzuala Ralte, chairman MYC chuan fuihna thusawiin, thiamna leh theihna inang rau rauvah dawrtu che u lungawina thlen thiam apiangin pan in hlawh zel ang a, hma in sawn chak thei ang. Engkimah Pathian tanpuina dil fo a, a malsawm tlaka thawhrim hi a pawimawh ber, tih a sawi.
Tags
News