Hnahthial Post | May 2, 2026, Hnahthial: Mizo Zirlai Pawl Headquarters Hnahthial chuan vawiin Dt 02.05.2026 Inrinni zing dar 7 khan MZP Pisa, Bazar veng Hnahthialah Hnahthial khawpui chhunga Vai awm zawng zawng te chhiarpui neiin a ko khawm.
MZP Headquarters Hnahthial Executive Committee Meeting 2026-2028 term-a vawikhatna in alo rel tawh bawhzuiin MZP chuan Hnahthial khawpui chhunga hnam dang (vai) awm zawng zawng te chhiarpui a nei a, he hunah hian hnam dang (vai) mi 105 te chu chhinchhiah an ni.
Chhiarpui nei pah hian MZP chuan Hnam dang (vai) te Inner Line Permit (ILP) endikna a nei nghal a, ILP chu nei ngei ngei tur leh dan ang taka hna thawk tur te, Mizo te nena ṭha taka thawhhona nei tur leh midangte tana hnawksaka awmlo turin MZP chuan a chah a ni. Tin, MZP chuan tun hnaia Mizo hmeichhe chunga mawi lo taka hnam dang chet dan chu an hriat thu leh ṭha lo an tih thu sawiin, Mizo hmeichhia te lakah MZP chu a thikthu a chhe zel dawn a ni tih an hrilh bawk a, hetiang thil hi MZP in a hre leh a nih chuan na takin action a la tawh dawn a ni,an ti bawk.
MZP chuan hnam dang sponsor-tu te pawh dan dik takin an thawk em tih leh an ILP validity chu ngaipawimawh zual turin a chah bawk a ni.
