Hnahthial Post | May 19, 2026, Aizawl: Vawiin chawhma khan Sialkal Range Development Council (SRDC) Meeting chu an Chairman Pu F. Rodingliana, MLA Lengteng leh Minister of State ni bawk pisaah neih a ni a, he meeting-ah hian Council member-te pawh an tel a ni.
He Council Meeting hi Pu F. Rodingliana’n kaihruaiin Kum 2026-27 chhunga Sialkal Range hnuaia khaw paruk - Mimbung, Hrianghmun, Kawlbem, Teikhang, Selam leh Vaikhawtlang khuaa hmaasawnna hnathawh tur hrang hrangte leh SRDC area tih hmasawnna tur hrang hrangte sawiho a ni.
Chairman Pu F. Rodingliana chuan Sialkal Range Development Council-in a huam chin tih zauh tuma hmalak mek a nih thu tarlangin tuna khaw ruk bakah hian a chhehvel khua engemaw zat SRDC hnuaiah hian rin luh tum a nih thu tarlangin chhak tlangdung-a Burma ramri hnaiha awm khua te tih hmasawn kawngah Mizoram Sorkar-in nasa takin ngaihtuahna a seng mek a, chumi tur chuan SRDC area zauh mai bakah dan mumal tak hnuaia inrelbawlna a awm theihna turin sorkar-in SRDC manual leh inkaihhruaina dan te a ennawn mek a, heng hi tih puitlin a nih hunah chuan SRDC area a huam chin khua ten nasa takin hma an sawn ngei a beisei thu a sawi a ni. Tin, Chairman hian kumthar lamah chuan SRDC Budget pawh tihpun a nih a beisei thu a tarlang bawk a ni.
He SRDC Council meeting-ah hian Chairman Pu F. Rodingliana, MLA Lengteng bakah member dang Pu H. Ginzalala, MLA Champhai North, SDO Civil, Ngopa, Development Officer, SRDC leh Mimbung, Hrianghmun, Kawlbem, Teikhang, Selam leh Vaikhawtlang VCP theuhte an tel a ni.
Tags
News