Hnahthial Post | July 3, 2026, Aizawl: Vawiin khan Central YMA leh Excise & Narcotics Department tangkawp chuan Central YMA Hall-ah Central Anti Drugs Squad (CADS) leh Zone Anti Drugs Squad (ZADS) te tan ‘Ruihhlo Kaihnawih Dan Zirhona’ hun pawimawh tak an buatsaih.
He hun hi Pu SF David Ngursangzuala, Asst. Secretary, Central YMA chuan kaihruaiin, Pu Darremsanga Renthlei, CADS 2nd Batch Secretary chuan CADS 2nd Batch-te hmalak tawhna leh hmalak mekna report a pe a ni.
Prof Malsawmliana Central YMA General Secretary chuan thu sawiin, “ Vawiin hi dan kan zirhona ni a nih rualin kan infuih tharna ni a ni bawk a. Excise leh Police te nen hian thawhho na MOU kan neilo na in kan thawhhona hi a tha em em a ni. Vawiina ruihhlo dotu lokal khawm te hi kan tanrual chuan Pathian malsawmna kan dawng zel ang Keini lo hi ruihhlo dotu tur an awm chuanglo a kan tanrual a, theih tawp kan chhuah a ngai a ni” a ti.
Pu Peter Zohmingthanga, Jt. Commissioner, Excise & Narcotics Department pawhin thu sawiin, "Mizoram hi kan ta a ni," tiin, chan huam chunga mahni inphat a YMA-ten ruihhlo an do thin chu ropui a tih thu a sawi. Pu Peter-a chuan hmun hrang hrang a YMA ten ruihhlo dona kawnga thahnem an ngaih avangin ruihhlo tawlhtute hian YMA te hel in, para military force te awmna lam atanga ruihhlo an tawlh tam tawh zawk thu a sawi a; YMA leh Excise & Narcotics Deptt. te chu inthurual takin, inhriatthiamna leh induhsak tawnna nen a ruihhlo do ho zel turin kalkhawm te a chah a ni.
Dan zirhonaah hian Inspector Jason Lalrinchhana leh Inspector Zothantluangi Chenghrang te chuan CADS leh ZADS member-te ruihhlo kaihnawih a dan pawimawh te an zirtir a. Zawhna leh chhanna hun hman a ni bawk.
He hunah hian CADS leh ZADS member 120 bawr vel an tel.
Tags
News