Hnahthial Post | July 7, 2026, Saitual: Tawi bialtu MLA, Rural Devlopment Minister Prof Lalnilawma chuan a bial chhung Saitual tlawhin vawiin khan Rural Development and Administration Department (RD&AD) kaltlanga hna thawh - Tung herna khawl dahna tur In sak mek a tlawh.
Mizoram Sawrkarin kuthnathawktute a ngai pawimawh a, dinhmun tha zawka an din theihna turin hma a la mek, Prof Lalnilawma chuan a ti a. A bial chhung tan theihtawp a chhuah mek tih sawiin, a bik takin kuthnathawktuten leirem an rah theihna tura hmalakna a ngaih pawimawh thu a sawi. Vawilehkhatah hmasawnna an duh ang zawng zawng an hmu lo a nih pawhin, beidawng lo turin a bial mipuite a chah a; an tan theihtawp a chhuah zawl dawn, tih Minister chuan a sawi a. Pathian rawn chungin, taima tak leh rinawm taka an hnaah theuh theihtawp an chhuah chuan, hmasawnna hmel thar an hmu zel dawn, tiin bial mipuite a fuih a ni.
Tung herna khawl In sak mek hi RD&AD kaltlangin cheng nuai 10 senga sak a ni a. Kum kalta khan Tung chingtute tan, Tung hmuna an chin tel tur Pan Hnah tiak Minister hian a lo pe tawh bawk a ni. Tung chingtute hi chhungkaw 700 vel an ni a, Tung an chinna ram zau zawng belhkhawm hi tin 1816 vel a ni.
Vawiin vek hian Saitual VC-III chuan an MLA Prof Lalnilawma kaltlangin CM Relief Fund-ah cheng 20,000 an chhung lut a ni.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News