Hnahthial District AIDS Prevention & Control Committee thukhawmin August 2026 thleng khan Hnahthial khua leh tui HIV hrik pai ART la mek 315 an awm thu tarlan a ni

Hnahthial Post | Aug 19, 2026, Aizawl: Vawiin khan DC Meeting Hall, Hnahthialah District AIDS Prevention & Control Committee (DAPCC) chu an Chairman leh Bawrhsap ni bawk, Pi K.Vanlalruati kaihhruaina hnuaiah thukhawmin Member Secretary leh Sr. Chief Medical Officer ni bawk, Dr. Lalnunziri chuan metting agenda - Mobilization for AIDS Suraksha (MAS) leh Intensified IEC Campaign, 2026 chungchang sawi zauna a nei a. August 2026 thleng khan Integrated Counselling and Testing Centre (ICTC), Antiretroviral Therapy (ART) leh Strengthening Overall Care for HIV beneficiaries (SOCH) data atangin Hnahthial District khua leh tui HIV hrik pai, ART la mek mi 315 an awm thu tarlan a ni.

Thutkhawmnaah hian Dr. Zodinpuii Hrahsel, Cluster Programme Manager, MSACS hnen atangin MAS leh District Action Plan chungchang ngaihthlak a ni a. Mission AIDS Suraksha thiltum ber chu December ni 1, 2027 hma a HIV darh zel tur danchah hman a nih thu tarlangin chumi atan chuan 95:95:99 goal siam a nih thu tarlan a ni a. ICTC data atangin August 2026 thleng khan First 95 (HIV hrik pai tih inhria) hnuaiah mi 315 awmin hei hi NACO-in HIV hrik pai awm tura a rawn estimate, 371 atangin 85% a ni a, target hi 10% a la phak loh a ni. Second 95 (HIV hrik pai inhria ART la tha) hnuaiah hian target 95% hi khum niin Third 99 (ART lak avanga viral load hniam, midang kaichhawng thei lo) hnuaiah hian mi 262 an awm mek a, target an la phak lo a ni.

Mission AIDS Suraksha hnuaia District hmalak tawhna leh hmalak chhunzawm zel dan tur - District Action Plan chu tarlan niin Chief Medical Officer atangin HIV leh STI screening tam thei an ber nei tura thuchhuah a awm tawh thu tarlan a ni a. Lirthei khalha eizawng tan HIV leh STI screening neih a nih theih dan turte sawi ho nghal a ni.

Intensified IEC Campaign on HIV/AIDS kalpui dan tura ruahmanna awm sa te chhawpchhuah niin awareness mumal tak neih a nih theih nan VC leh NGO hruaitute nen thawh ho a pawimawh thute tarlan a ni a. IEC Campaign hian khaw 25 a huam thu tarlan niin school leh zirna in hrang hranga campaign kalpui tum a nih thu leh a tam thei ang ber tan screening neih a nih theih dan turte tarlan a ni bawk. Hei bakah hian HIV kai ve ni a in ringhlel tana risk assessment neih theihna, Breakfree App chungchang sawi zauna neih niin Breakfree App QR code chu hmun tam thei anga bera tarchhuah tum a nih thu tarlan a ni.

Thutkhawmnaah hian DAPCC member thahnem tak an tel a ni.