Inner Line Permit (ILP) chungchanga Hnahthial Bawrhsap thuchhuah

Hnahthial Post | Sept 8, 2026, Hnahthial: Mizoram sawrkar Home Department chuan Inner Line Permit (ILP) inkaihhruaina chu a tul laite siam that/tih danglam a ni a. Chungte chu:

1) Temporary ILP dam hun chhung (validity) hi Temporary ILP siam a nih ni atangin ni 15 thleng a ni ang.

2) Khualzinte (Tourist) puala hman tur ILP dan thar siam a ni a, ni 30 chhung a dam ang a, renew theih a ni lovang. A la cham zel dawn a nih chuan thla ruk (6 Months) atan regular ILP a dil ang a, a ram mi ngei (Indigenous person) in a sponsor ang.

3) Local Council leh Village Council ten ILP sponsor-tu mimal chenna hmun finfiahna chu Form C hmangin an pe tur a ni. He hriattirnaah hian a pek chhuah ni leh hmun hming a chuang tel ngei tur a ni.

4) Local Council leh Village Council te'n ILP diltu leh sponsor-tu te chhinchhiahna chipchiar chu Form F hmangin a vawng fel thlap tur a ni.

5) Village Council te'n an mahni area a ILP check chungchangah thuneitute thu ngaichangin a tul angin an Io pui thin ang.

6) ILP dan bawhchhiate hrem theihna hetiang hi a ni:

(a) Dan bawhchhiat vawikhatna (First Violator): Temporary ILP, Regular ILP, Tourist ILP leh ILP Exemption neilo emaw, ILP thih tawh hnu a a dam hun chhung pawtsei lova la awmte chu ILP dan bawhchhia an ni ang. Hetianga dan bawhchhiate chu thuneituten (Issuing Authority) an ILP nih phung a zirin, a hun hman ral ni atanga chhutin a hnuai a tartan ang hian pawisa an chawitir ang:

1. ILP neilo : Rs. 1,000/-

2. Temporary ILP : Rs. 250/-

3. Tourist ILP : Rs. 150/-

4. Regular ILP : Rs. 200/-

5. Kum hnih (2 years) daih ILP kawi : Rs. 300/-

(b) Dan bawhchhiat vawihnihna (Second Violator): ILP dan vawi hnih bawhchhe tute chungah ILP thuneitu lam chuan dan an bawhchhiat dan a zirin, a hun hmann ral ni atanga chhutin a hnuai a tarlan ang hian pawisa an chawitir ang:

1. Temporary ILP : Rs. 350/-

2. Tourist ILP : Rs. 250/-

3. Regular ILP : Rs. 300/-

4. Kum hnih (2 years) daih ILP : Rs. 400/-

(c) Dan bawhchhiat vawithumna (Third Violator): ILP dan vawithum bawhchhe tute chu Bengal Eastern Frontier Regulation, 1873 leh he inkaihhruaina (Guidelines) tarlan ang hian thubuai siamsak an ni ang.

7. ILP Security Deposit la chhtjak turte chuan Pass thih afanga ni 90 chhungin Security Deposit hi lak chhuak tur a ni. Hun tiam chhunga an Iak let Ioh chuan, he pawisa hi sofkarin a hren hlen sak fawh ang.