Lawngtlai bawrhsap-in Lawngtlai Traffic Police leh Enforcement te hnenah hmanrua hlan

Hnahthial Post | Oct 6, 2026, Lawngtlai: Vawiin chhun dar 12:00 PM khan Lawngtlai Bawrhsap Pu Donny Lalruatsanga chuan Lawngtlai Traffic Police leh Enforcement - ten an hnathawhnaa an tangkaipui tur hmanrua a hlan.

Pu Donny Lalruatsanga chuan Traffic Police leh Enforcement te - chu Lirthei leh mipui himnana thawktu pawimawh an ni a, an mamawh zawng zawng vawikhatah ngaihtuahsak vek theih nilo mahse, an mamawh zualpui chu District Administration - in a ngaihtuah thin tih a sawi a. Hmanrua hlan takte tangkai taka hmang tura duhsakna hlanin, lirthei leh mipui himna atana an inpekna ah lawmthu sawiin theihtawp chhuah zel turin a chah bawk a ni.

Bawrhsap chuan Traffic Police hnenah Vest sawm - (10) leh Wheel lock - 18, Enforcement hnenah Nihliap lian pahnih leh Chair - a hlan a ni.

Lawngtlai Traffic Police leh Enforcement - te chuan Lawngtlai Bawrhsapin an mamawh hriaa, an hna thawhnaa tangkai tur hmanrua a hlan chu thinlung takin lawmthu an sawi a ni.