Ni 14.10.23 Inrinni
(In aid of Valtea)
Hnahthial | 7th October, 2023: Lalhmangaihsanga(Valtea) hi S.Vanlaiphai khua a ni a, kum 2022 November-a MFA tirha Hnahthial DFA in North East Sentinel's Cup Nagaland a kan kalin kan Striker rinrawl niin Group Match ah Goal 4 a thun a, Manipur nen kan inkhelhin kan tumpui Defender ten kalhtluin a dar veilam a sawh khawlo a, Ambulance a damdawiin panpui nghal ni in a dar veilam ruh a tliak tih hmuhchhuah a ni. Sukhovi Nagaland ah a hliam hi zai nghal niin a koki ruhah thir phûm a ni a, Hnathial DFA Team ten Semi Final lûtin Shillong Meghalaya lamah kan kalsan a, amahin khawhar takin Nagaland ah Damdawiin ah a awm a. Inhliamlo se, Sentinel's Cup ah hian kan Champion ang kan la ti reng ṭhin. Hnahthial DFA Team ten palina niin Meghalaya kan chhuahsan a, Valtea pawh thlawhna in a hawdan tur ruahmanpui a ni a. S.Vanlaiphai ah thlathum a inenkawl a, kum 2023 March thla khan a koki a thir phûm chu lakchhuah a ni a, dam takin Football a khel chhunzawm a, Hnahthial DFA buatsaih I-Day Football 2023 ah Electric FC tan khelin Top Scorer a ni nghe nghe. September 2023 a Hnahthial DFA buatsaih Inter Zone Football Tournament Cherhlun a buatsaihah S.Vanlaiphai Zone FA tan khelin Final hial a thlenpui a, vanduaithlâk takin Final Match ah a inhliam leh a, a hliam hi a lo na hle mai a, ball kâng an inchuhna ah intauhpalhin nikhawhrelovin a awm a, Cherhlun Damdawiin panpui nghal niin Hnahthial Damdawiin lamah phurhthlâk nghal a ni a. Mahse a hliam hi Hnahthial hmuna enkawl theih alo ni lo a, Lunglei lama phurhthlâk nghal a ni a, Lunglei hmunah pawh enkawl theih alo ni lo lehzel a, ZMC Falkawnah phurh phei niin, hetah hian a biangruh khi leh a koki ruh lo tliak tawh tliak nawn leh hi hmuhchhuah a ni a. A biangruh khi hi ZMC ah hian zai a ni a, mahse a koki ruhtliak hi zai lehnghal turin a taksa Fitness in a tlinlo ni a hriain Doctor ten karhnih tal nghâk turin an ti a. Tunah hian a biangruh khi chu thir phûmin hlawhtling takin an zai a. Thlakhat hnu ah a koki ruhtliak hi zai leh a ni ang.
Football Player vanduai em em mai Valtea tan Charity Match buatsaih a ni dawn a, HDFA Turf Ground ah bâwm hûn anih dawn bakah, a pual hian HDFA chuan Lucky Ticket a siam dawn bawk a, tlawmngaia Valtea tan hian Lucky Ticket lo lei a, Charity Match neih hunah bâwm dawhah hian kan theih ang tawk sum fai lo thlâk ṭheuh turin kan insawm tak meuh a mi.
C.Lalramdinsanga
Honorary Secretary
Hnahthial District Football Association
Thu hmuhna: WhatsApp Group
Hnahthial Insta Community
follow us on:
Hnahthial Post WhatsApp Channel:
Hnahthial Insta Facebook:
Hnahthial Insta (Instagram):
Hnahthial Insta YouTube:
Hnahthial Insta Twitter:
Tags
News