Hnahthial | 3rd November, 2023: Mizo Zirlai Pawl Headquarters Hnahthial chuan Vawiin 3rd November 2023 Thawhlehni khan Tarpho khua ah Zirlai ti ṭha chawimawina an hmang a, he hunah hian Pu Jimmy Lalrosanga President MZP Hqrs Hnahthial chu Khuallian a ni a, Pi R Lalramdinmawii District Child Protection Officer chu khual zahawm a ni.
Joint Secretary Tv Pc Lalhlimpuian he chawimawina inkhawm hi a kaihruai a, MZP Headquarters Secretary Tv C Rodingliana hnen atangin report ngaihthlak ani a, zirlai 20, kum 2022 leh 2023 a HSLC leh HSSLC pass thar te hnenah lawmpuina thuziak hlan a ni a, tin class 1aṭanga class 8 zirlai pakhatna aṭanga pathumna te hnenah lawmpuina thilpek hlan a ni bawk. Tin, MZP Headquarters hnahthial atang hian mi 18 an tel thei a ni.
MZP Headquarters Hnahthial chuan Tarpho khua aṭanga HSLC leh HSSLC pass te chawimawina thilpek a hlan a, tin Class 1-9 a pakhatna atanga pathumna chin lawmpuina thilpek a hlan bawk.
Khuallian Pu Jimmy Lalrosanga chuan zirlai te chu ram leh hnam hmangaihna nena taima taka lehkha zir zel tur te, an thiam an finna te ram leh khawtlang tana hmang zel turin a fuih a ni.
Khual zahawm Pi R Lalramdinmawii pawhin thu sawi in, naupangte dikna chanvo humhalh leh in zirtirna hun te a hmang bawk.
He hun ah hian Gov't Primary School leh Gov't Middle School naupangte bakah khawtlang hruaitute leh mipui thahnem tak te an tel a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Hnahthial Insta Community
follow us on:
Hnahthial Insta Facebook:
Hnahthial Insta (Instagram):
Hnahthial Insta YouTube:
Hnahthial Insta Twitter:
Tags
News