Hnahthial Post | 8th February, 2024: Vawiin khan Pu Jeje Lalpekhlua, South Tuipui Bialtu MLA chuan a bial chhung khua Tuipui 'D' tlawhin bial mipui te, khawtlang hruaitu, sorkar hnathawk ten a mah an dawr a, an hmuh theihna tur hun remchang a siamsak nghal a ni.
He hunah hian thu sawiin Pu Jeje Lalpekhlua, MLA chuan Pathian leh South Tuipui bial mipui te zarah MLA thlan tlin ka ni a, chutih rualin party mal MLA ni lovin bial mipui zawng zawngte MLA ka ni tih min hriatsak ka duh a, VC te nen pawh kan rawng a la inang lo deuh a ni pawhin kei chuan kan bial chhung a mite hi chu thawhpui theih loh neih ka tum lo a ni. Intiam kamah neih hi ka duh ngai lova, chutih laiin kan bial tana kan mamawh em em ni a ka ngaih kan tiam chhun Falkawn-ah South Tuipui Bial In kan luah dawn a, hetah hian dam lohna avanga Zoram Medical College (ZMC) pantute a thleng thin dawn a ni, tunah hian kan tifel thawkhat tawh a, chei a la ngaih avangin an chei mek a, thla tharah chuan hawn theih a nih ka beisei a ni. Hetah hian dam lo te leh anmahni awmpuitute thlamuang takin an chenna in anga an chen theihna tur atana ruahman a ni. Tin Hnahthial-ah MLA Office Thawhtanni hian hawn a ni dawn tiin hetah hian complaint leh suggestion box te kan hung dawn hei hi tangkai taka hman kan tum ang a, a theih hram chuan kei pawh thla khatah vawi 2 tal hetah hian thut ka tum dawn a ni a ti.
Pu Jejea chuan sokar kum thar kan thleng dawn a, hna chi hrang hrang a rawn chhuak ang, hengte hi keini party mi leh sa bakah mi dangin an thawk ang. Tha taka hna thawk turin ka chah nghal che u a, hna zawng zawng hi kan enpui vek dawn a, a tha tur a ni ringawt, a tha lo a nih chuan kan indim hauh lovang tiin mi harsa zawkte thleng phaka theih tawp chhuaha hna thawh a ni tur a ni tiin thil tha lo leh thil dik lo ti turin tumahin min nawr lui lo turin ka ngen a che u a, min nawr lui in awm a nih pawhin kei chuan ka tihsak thei lovang che u a ti bawk.
MLA chuan kan khawtlang, kan ramin hma a sawn theih kan theihna zawnah theuh tan la i la, in venpui a tul hunah invenpui tawn theuh bawk ila, Kan ram a kal dik zel theih nan keimah mai bakah kan ram hruaitu Chief Minister, Minister te, MLA tawngtaipui kan ngai hle a, chu chu kan mawhphurhna pawh a ni tel a, min lo tawngtai pui zel dawn nia tiin a chah bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News
A va tha kher em 👍🏼🫂
ReplyDelete