Hnahthial Post | 14th January, 2025: Vawiin chawhnu khan I&PR Minister Dr. Vanlalthlana leh Department-a Officer-te chuan Director Room-ah inkawmhona neiin, Department hmalakna kallai mek leh Department hmasawnna turte an sawiho a ni.
Inkawmhona hunah hian Minister Dr. Vanlalthlana chuan thu sawiin, Information Department officer-te chu an pawimawhzia hre reng tur leh mipuite hnena thu dik leh rin tlak chauh hriattirtu ni tura tan la zel turin a fuih a. Hemi tur hian mahni inchher hriam a, training a tam thei ang ber tel tum zel turin a chah bawk a. DIPRO te chu District hrang hrangah mipuite laka sawrkar hmel tilangtu an nih avangin theihtawp chhuah tur leh nun kawng thlenga invawng uluk turin a chah nghal a ni.
Vawiina inkawmhona hun hi Pu C. Lalnunkima, Director, I&PR Department chuan kaihruaiin, tun hnaia Indian Institute of Mass Communication (IIMC) a training zuk nei zo hlim Officer-te zing atangin Team Leader Pu Malsawmsanga, Deputy Director chuan report tawi a pe a. Hemi hnu hian Department hmalakna leh hmachhawp hrang hrangte Officer-te hnen atanga ngaihthlak a ni a, hmalak tulte pawh sawiho nghal a ni.
He hunah hian I&PR Secretary Pi Betsy Zothanpari Sailo, Addl. Secretary Pu V. Lalruatsanga, I&PR Secretariat leh Directorate-a Officer-te leh District hrang hranga DIPRO te an tel kim hle a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News