Gravity-a lak leh Pu Dawn Tui pump ring rih dawn

Hnahthial Post | 3rd June, 2025: Tun hnaia ruahsur nasa tak avangin Tuichang lui lian chuan PHE Deptt-in Hnahthial chawm tura Tuichang lui tui a lakna hmasa ber (Raw water pump) khawl an dahna In chu nasa taka a chim avangin khawlte hi thlawn vek a ni a, hmun hul thaah dah niin vuah ala ni lo va tun dinhmunah Tuichang lui chu pump theih a la ni lo.

Kailawn tarlan danin Pu K Lalkima, EE, PHED Hnahthial chuan hetiang harsatna hi tawk mahsela Pu Dawna tui leh Lalphaka lui chu Gravity-a Tuichang treatment plant-a pa lutin pump theih a nih thu a sawi bakah Pu Dawn tui pump hluihlawn tawh pawh tun hnaiah siamthain hman theih a nih thu a sawi bawk. Hetih lai hian Pu Dawna tui Gravity-a lakna chu tun hnaia Nghavarh link road laihna leivung tawlhin in-take a chhilh thin avangin harsatna an tawh thin thu a sawi a, tunhnaia Tuichang pump khawl pakhat chhia pawh siamṭhatna tur hmanrua Supply Order erawh a chhuak tawh niin a sawi a ni. Tuichang pump khawl pakhat chauh leh Pu Dawna Tui pump siamṭhat hmang hian Power Supply dinhmun a zirin pump ṭhin a ni dawn a, vawiin hian veng ṭhenkhat chu pek hman beisei a nih thu EE chuan a sawi bawk.